裝修佬話你知:去除油漆味竅門

裝修佬話你知 於 22/11/2016 發表 收藏文章
啱啱油完嘅牆面或地板,往往散發出一陣刺鼻油漆味,而且長時間會殘留係室內,令人頭昏腦脹,而空氣中油漆氣味中有害物質主要是苯、甲苯同二甲苯,呢D有害物質危害人體健康,所以去除油漆味刻不容緩。去除油漆味有咩竅門呢?裝修佬話你知。


鹽水

係室內放兩盆鹽水,油漆味就會好快消除,如果係木家具散發出嘅油漆味,可以用茶水濕抹幾次,油漆味亦會消除得快D。

祛味清潔劑

祛味清潔劑利用氨化合物同有害物質發生化學反應,從而起到祛味清潔作用,啱啱裝修完嘅房間,可將祛味清潔劑倒係盤度,將盤分別放係每間房,再做清潔,連續幾天日就可有效去除難聞氣味。

菠蘿

擺幾個菠蘿係每間房,大面積嘅房可多放多幾個,因為菠蘿係粗纖維類水果,既可起到吸收油漆味又可達到散發菠蘿清香味道、加快清除異味速度。 牛奶 將煲滾嘅牛奶倒係碟度,然後放係啱油完漆嘅櫥櫃度,再關閉櫥櫃門,過5個鍾左右,就可去除油漆味。    

花草植物

擺放可以吸收有害物質嘅植物,比如:吊蘭、蘆薈、虎尾蘭、茉莉、丁香、金銀花、牽牛花等。  

活性炭包


活性炭吸附過濾有害氣體達到清除效果,注意係使用活性炭包時唔係越大包就越好,而係同一房間唔同地方擺多幾個,咁樣吸附效果會好得多。

蠟燭

係室内點蠟燭可以有效去除油漆味,既經濟又實惠,但記得要注意防火。  

甲醛捕捉劑

甲醛捕捉劑係一種清除甲醛嘅產品,使用操作簡單,直接油或噴係人造板材等木製品表面即可,係去油漆味嘅一種方法。

納米材料環保工藝畫

佢係製作過程中,添加咗納米複合材料,原理係光照條件下,將呢D有害物質轉化為二氧化碳、水同對人體無害嘅有機酸,將畫掛係房度,既美觀,又可淨化居室環境,一舉兩得。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→