裝修佬話你知 : 實木傢俱保養方法

裝修佬話你知 於 20/03/2017 發表 收藏文章
實木傢俱天然環保、經久耐用、保值等好處一直頗受青睞,實木傢俱好處雖然多,但如果日常生活當中無好好保養就會縮短使用壽命。實木傢俱保養起身唔難,但需要注意幾個方面,究竟係咩呢?裝修佬話你知。

讓潮濕遠離傢俱

唔好將實木傢俱存放係太過潮濕嘅環境,咁會令傢俱因潮濕而翹起,既影響外觀,又縮短使用壽命,所以必須保持室內的乾燥。潮濕天氣最好使用薄膠將傢俱同地面接觸部位隔開,同時將傢俱靠牆部位同牆面保持0.5-1CM距離空隙。

溫濕要平衡

現時好多家庭都安裝變頻冷暖冷氣機,令室內嘅空氣濕度、溫度同室外大有差別,由於實木失去水分,室內外嘅溫差太大熱脹冷縮幅度加大,入面嘅木筋由於太乾燥而斷裂引起裂開情況,所以要保持實木傢俱有一定嘅水分,保持空氣濕度。

冬天保養及時打蠟係關鍵

冬天實木傢俱保養,做好防乾保濕非常重要,但實木傢俱嘅滋潤唔可以單靠保持室內合適空氣濕度來維持,仲應該通過定期打蠟,鎖住木材中水分,防止傢俱乾裂變形。由於冬天氣候乾燥,木材更加脆弱,加上冷氣或者暖氣烘烤,木材中嘅水分大量流失,質地會變得疏鬆,平時堅固嘅地板或傢俱好可能係清潔時被輕易劃傷。所以,係清潔實木傢俱時,儘量唔好使用尖利清潔工具觸及木材表面。清潔傢俱嘅時候,唔好選用含酒精、汽油成分嘅溶劑抹污漬,否則會腐蝕傢俱。最好選用木色木質傢俱光蠟,薄薄擦係表層,然後再用棉布抹乾淨,咁樣可以減少落塵,增加光澤感。

冬天減少開窗通風時間

冬同室內濕度相較於室外反而高D,所以冬天開窗通風,只會令外面嘅冷空氣進入室內,令室內環境變得更加乾燥。裝修佬建議屋企實木傢俱比較多嘅朋友,係冬天應減少開窗通風嘅時間同次數,以保持室內適宜濕度,同時注意實木傢俱應避免放置係通風口。

避免係實木傢俱上壓重物

傢俱表面避免長期放置過於沉重嘅物品,特別係電視、魚缸等,容易造成傢俱變形。實木傢俱上放置東西時,應係表面先墊一層布墊,可以有效防止凹痕產生。


(以上圖片均來自網路,如有任何版權問題,請與本站聯絡)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→