裝修佬話你知 : 廚房消毒方法

裝修佬話你知 於 12/05/2017 發表 收藏文章
廚房係烹飪一家人膳食嘅地方,經常被油煙侵略,如果加上清潔唔夠乾淨,通風唔夠好,就會容易滋生細菌,但正所謂病從口入,清潔消毒方面我地唔可以偷懶,以下裝修佬同大家分享廚房嘅消毒方法,一齊去文。


白醋消毒

白醋中含有醋酸等多種成分,具有一定嘅殺菌能力,可用作家庭室內空氣消毒。約100尺左右嘅空間,可用白醋100~150ml與水以1:2比例混合,放碗內用文火慢蒸30分鐘,薰蒸時要關閉門窗。

煮滾消毒

適用於毛巾等棉布類、兒童玩具、食具等。煮滾可以令細菌蛋白質凝固變性,一般需時15-20分鐘,同時滾水嘅水面一定要蓋過所煮物品,呢個方法既簡便又安全。

沖洗浸泡消毒

對於唔適於高溫煮嘅物品可用0.5%過氧乙酸浸1個鐘,或用5%漂白水浸1個鐘,浸泡時消毒物品應完全被浸沒,取出後用清水沖淨。 漂白水消毒 漂白水可以令細菌體內嘅酶失去活性,令其死亡。枱、櫈、床、地面等,可用1%~3%嘅漂白水抹,垃圾桶可以用稀釋過嘅漂白水浸半個鐘後沖洗乾淨,然後放係通風地方曬晾乾便可。

酒精消毒

酒精可以令細菌蛋白質變性凝固,常用75%酒精消毒皮膚,或將食具浸泡半個鐘消毒。 日光消毒 日光含有紫外線及紅外線,曬3-6個鐘可以達到一般消毒要求,被褥、衣物等都可以放到陽光下暴曬。

空氣清潔

室內空氣要保持清新,可經常開窗通風換氣,尤其係冬天更要注意,每次開10-30分鐘,可減少室內病菌濃度。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  維修  廚房  廚房消毒  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→