裝修佬話你知:拋光磚嘅保養技巧

裝修佬話你知 於 02/11/2016 發表 收藏文章
拋光磚係家居裝修常用嘅材料,佢表面光潔、明亮、清爽、質感好等好處頗受裝修市場歡迎。但拋光磚係使用過程當中容易磨損、整污糟,處理不當會留低難以清除嘅污漬,唔單止破壞空間美感,仲會擴大磚面同吸水率。以下裝修佬同大家分享拋光磚嘅保養技巧,希望幫到你。


拋光磚未用前要做好保護

拋光磚係鋪好後末用前,為咗避免其它裝修施工時損傷磚面,應用編織袋等唔易甩色嘅物品保護,將磚面遮蓋好。

做好拋光磚嘅表面防護


原本有一定光亮度嘅拋光磚可以直接做結晶護理,如果比較陳舊嘅地面需要重新打磨翻新。拋光磚翻新應該注意做表面防護,將石材表面同空隙噴上防護劑,由於拋光磚地面容易污糟,做咗防護就可以防止外來污漬油漬等令拋光磚污染。

一般污漬嘅清潔方法

茶漬、果漬、咖啡醬醋、皮鞋印 : 用漂白劑浸半個鐘後用布抹乾淨,如果滲入磚內時間較長嘅污漬,浸泡時間就需幾個鐘。

油漆、油污、油性筆、表面防污蠟層 : 使用鹼性清潔劑或有機溶劑(丙酮、三乙烯),去漆去油污劑。

沉澱物、墨水、鐵銹、濃茶 : 用稀鹽酸、硫酸、草酸或去污劑浸20分鐘至8小時後擦拭。

泥水 : 蓖麻子油直接擦拭。



日常清潔注意方法

經常清潔拖地時儘量乾拖,少用濕拖,局部較污糟或有污漬,可用家用清潔劑如洗潔精、洗衣粉等,或用除污劑清洗,根據使用情況定期或唔定期打蠟,等乾透後再抹,可保持磚面光亮如新。
輕微劃痕處理


用牙膏塗係劃痕周圍,用乾淨乾布不停反復抹,然後用少量地板蠟,乾後用淨布抹即可達到光亮如新效果。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  拋光磚  瓷磚  維修保養  

留言


請按此登錄後留言。未成為會員? 立即註冊
    快捷鍵:←
    快捷鍵:→