裝修佬話你知:清洗抱枕(cushion)方法

裝修佬話你知 於 11/10/2016 發表 收藏文章
抱枕相信大部分家庭都會有,抱枕嘅圖案豐富多樣,為屋企增添唔少色彩。但攬枕用耐咗,容易黏到灰塵或油污,清洗起身的確麻煩。以下裝修佬教大家清洗抱枕嘅方法,一齊同你屋企嘅抱枕沖返個涼啦!

機洗抱枕應該注意的地方

大部嘅洗衣機可同時洗兩個抱枕。如果只可以容納一個,最好加一塊毛巾一齊清洗,以均衡水流。如果烘乾嘅話,攬枕會更容易恢復原有嘅彈性,並更加柔軟蓬鬆。

手洗嘅正確方法

使用性質溫和嘅洗衣粉進行清洗,將攬枕放入洗衣粉溶液,不斷用手擠壓攬枕,直到洗乾淨為止,多餘嘅泡一定要擠曬出來,過清水,直至把抱枕洗到無泡壓出,最後將多餘水分壓乾,最好將抱枕平放曬乾,咁樣會更柔軟蓬鬆。

唔同類型嘅抱枕用唔同嘅清潔方式

乳膠枕應用稀釋嘅洗衣液浸,用手輕壓後再以清水反復沖洗乾淨,之後再以乾布包住,將大部分嘅水分吸收後,放置陰涼處風乾即可,切勿係太陽下曝曬,以免材料變質氧化。

羽絨枕因為羽絨遇水易結球,故唔可以用水清洗。保養時可以用手輕拍抱枕,使其保持蓬鬆,並且放係通風處吹風,去除汗味及水氣即可。若抱枕太污糟,可送去乾洗店清洗。

一般印花圖案抱枕清洗時請將攬枕套拆低,翻到反面清洗。 另外要避免長時間浸及用力搓洗,而且凍水清洗會較好。 注意應使用柔性洗衣粉或者清潔劑,唔可以用漂白劑。 唔可以用熨斗直接熨圖案部分。 抱枕芯請勿水洗,可以選擇陽光下直曬,輕拍後便會恢復原有膨脹。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修佬  清潔抱枕  攬枕  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→