裝修佬話你知:瓷磚清潔方法

裝修佬話你知 於 12/01/2017 發表 收藏文章
瓷磚堅固耐用,美觀大方,防潮防霉等好處一直受廣大市民歡迎,但時間耐咗,瓷磚常會被油污、水垢等沾污,尤其磚同磚之間嘅空隙更易藏污納垢,認真頭痛。以下裝修佬同大家分享瓷磚嘅清潔方法,一齊去文!

拋光磚應定期打蠟處理,一年一次為宜,磚同磚之間空隙要不定期清潔,然後係空隙擦一層防水劑,可防霉菌生長。

如磚面出現輕度劃痕,可係刮劃痕處擦牙膏,再用乾布用力磨擦便可修復,如果破損嚴重則應及時更換或請專業師傅修補,以免對人身造成傷害。

如有茶水、咖啡、啤酒、雪糕、油脂等污染物附係瓷磚表面應及時清理,可用溶於水嘅梳打粉清洗,墨水、水泥等污染物可用鹽酸稀釋溶液,而油漆、塗料等污染物最好用專用清潔劑。

用番梘加少許氨水同松節油混合液清洗瓷磚,可令瓷磚更乾淨透亮。

廚房瓷磚係眾多家庭主婦嘅難題,由於油煙問題,廚房瓷磚最容易整污糟亦係最難清潔。其實最簡單嘅辦法就係廚房瓷磚用前貼好防油污貼紙,現時防污貼紙嘅花色選擇多,完全可以按照廚房設計選擇。

防污貼紙仲可以係抽油煙機及爐灶附近容易濺到油污嘅地方貼一圈,清潔時候用普通洗潔精同抹布抹一次便可,幾個月換一次,可以保持廚房瓷磚常用常新。要注意清潔嘅時候唔可以用太硬嘅清潔布或者鋼絲球,否則會刮壞貼紙,起唔到保護瓷磚嘅作用。

地面瓷磚間空隙因為積累灰塵,時間長咗容易發霉,而傳統瓷磚施工常用水泥、底灰來取代填縫劑,甚至唔用填縫劑,自然會留低空隙,只需係用填縫劑便可預防瓷磚空隙發霉問題,保持通風及空氣乾燥。

裝修佬溫馨提示

唔好以為木地板先需要打蠟,瓷磚打蠟亦係重要嘅防護保養工作,鋪好瓷磚後打一層蠟對於瓷磚嘅防水防污有事半功倍嘅作用。對於一D常見油污,用鹼性較大或弱鹼性或中性含有表面活性劑配方嘅清洗劑都效果都唔錯。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  瓷磚  瓷磚清潔方法  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→