裝修佬話你知 : 鋼化玻璃知多少

裝修佬話你知 於 02/03/2017 發表 收藏文章
鋼化玻璃通過特殊處理,具有高強度、穩定性好、安全、抗衝擊等好處被廣泛使用。鋼化玻璃雖好,但實質上都係玻璃,使用不當會容易破碎,所以日常生活當中要多加留意愛護,先可以延長使用壽命,以下裝修佬同大家分享鋼化玻璃嘅注意事項。


鋼化玻璃注意事項

禁止用尖銳、硬物敲擊邊角

由於鋼化玻璃嘅應力點集中係邊角位,邊角一旦破碎,鋼化玻璃破裂嘅幾率就會增大,所以為咗安全著想,唔好用尖銳、硬物敲擊鋼化玻璃邊角。

避免冷熱唔均勻

一塊玻璃兩邊分別用高溫同低溫,咁呢塊玻璃90%會自爆,雖然對於鋼化玻璃來講呢種情況發生幾率好細,唔怕一萬最怕萬一,我地要防範於未然。

注意保護邊角處

如果鋼化玻璃嘅邊角處有破損,玻璃自爆嘅風險就會增加,因為鋼化玻璃嘅應力點全部集中係邊角位,邊角嘅保護尤為重要,對於邊角破損嘅鋼化玻璃一定要小心處理。

避免長期處於受壓狀態

為咗室內美觀,很多朋友會選擇用鋼化玻璃作為枱面嘅餐枱、茶几,好多人會貪方便將重物壓係上面,如非必要,唔好係鋼化玻璃面長期放置重物,避免玻璃破碎。

遠離酸鹼物質
避免讓鋼化玻璃接觸酸鹼物質,因為玻璃嘅化學物質會同酸鹼物質發生化學反應。

鋼化玻璃嘅保養

物品輕拿輕放 切忌用力碰撞玻璃面,放置物品嘅時候要輕拿輕放,為咗防止玻璃表面被刮花,最好鋪枱布或餐墊。

保持清潔

鋼化玻璃枱面要經常保持清潔,避免因污染而產生霉斑,如果有霉斑產生,要及時處理乾淨防止曠散。

避免曝曬、雨淋

如果玻璃長期處於陽光曝曬、雨水淋濕嘅環境下,封邊位會容易裂開,從而導致材質膨脹、變形,玻璃碎裂。

及時擦除污漬

果汁油污等整到枱面,應該及時抹乾,否則時間一長就會留低難睇污漬,清潔時避免用強酸強鹼等清潔劑,要用溫和中性清潔劑。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  玻璃  鋼化玻璃  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→