裝修風水學 : 垃圾桶都會影響風水?

裝修佬話你知 於 28/02/2018 發表 收藏文章
垃圾桶係日常用物品之一,好多人係擺垃圾桶嘅時候都以方便為目的,殊不知其實咁做已經影響咗風水問題。垃圾桶究竟應該擺邊度呢?大垃圾桶定細垃圾桶呢?有蓋好定無蓋呢?裝修佬話你知。


垃圾桶正確擺放方位係邊?

垃圾桶放果個位置,決定你嘅成就與吉凶。究竟垃圾桶正確擺放方位係邊?辰(東南偏東)、戌(西北偏西)、醜(東北偏北)、未(西南偏南)呢四個方位稱為“墓”,即“倉庫”即落葉歸根之處,亦為所有垃圾聚集之處。

搞唔清方位,應如何擺放垃圾桶?

風水學上有句話叫做“眼不見不為煞”。該物件不為你所見,就唔會形成沖煞。將垃圾桶收藏起身,或買一個靚仔嘅垃圾桶,離遠望分唔清邊個係垃圾桶,就係正確擺垃圾方式。所以原則上,垃圾桶隱藏得越好,通常唔會帶來霉運。


地方比較大,應該擺幾個垃圾桶為宜?

無論係辦公室還是住宅,垃圾桶數量通常越少越好。如果隨處擺有垃圾桶,好可能係你方便中,無形之中形成煞氣,容易導致霉運產生。需要注意,垃圾一定要入垃圾桶,如果扔唔準,垃圾扔係垃圾桶周邊呢個習慣係非常唔好。

大垃圾桶好定細垃圾桶好?

通常垃圾桶細比大好,當然,垃圾桶大細與你住宅、人員數量匹配最好。假如家中或辦公室只得3、5個人,但用大垃圾桶,顯然唔合適。反然之,垃圾桶盡量唔好太大,垃圾桶大積聚垃圾越多,代表濁氣停濟寧願每日清理幾次為宜。


垃圾桶有蓋定無蓋好?

眼不見為凈,所以帶蓋垃圾桶比無蓋垃圾桶好。帶蓋嘅垃圾桶可以蓋住垃圾味道散發出來。如果無蓋,一係經常清洗,以無垃圾臭味為宜。二係可以經常用膠袋或報紙等蓋住垃圾桶,三係一定要有垃圾袋包住垃圾桶,否則垃圾停留後會有污漬留低,而相信并唔會有人會每次都會認真清潔乾淨,所以垃圾桶要有垃圾袋包住。



(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→