裝修風水學 : 夫妻睡房禁忌話你知

裝修佬話你知 於 11/02/2017 發表 收藏文章
睡房係我地每日停留時間最長嘅地方,睡房環境直接關係休息同睡眠,亦無聲無息咁影響住人嘅健康同夫妻間嘅感情。風水學博大精深,藉助風水學問來改變運勢,何樂而不為?以下裝修佬同大家分享夫妻睡房禁忌。


紅色床上用品唔可以常用

紅色代表吉利同喜慶,但經常使用紅色枕頭、被、床單會對夫妻雙方嘅感情不利,容易發生口角,感情難以融洽,重則引起感情破裂,所以要盡量避免。

不宜放花草

水栽植物、魚缸等最好唔擺係睡房,如果擺咗會容易淋熄雙方愛情,所以都係小心為妙。

鏡唔可以對著床頭

床邊、床尾都唔好擺鏡,否則唔單止影響到睡眠、健康,嚴重仲會影響夫妻感情,影響運勢等,而且因反射光線造成嘅各種影像係一種非常不利嘅煞氣,應該避免呢種擺設,如果因為空間問題避免唔到,咁就用完鏡後用布蓋住。

擺放裝飾忌單數

俗語話好事成雙并唔係無道理,係佈置婚房嘅時候,凡係用到嘅物品擺設最好用雙數,唔好單數,單數容易造成感情出現多角關係,變得複雜。

電器忌過多

睡房最好唔好擺放太多電器,電器過多影響健康嘅同時亦會導致口角,而且電器輻射損害人體健康。
傢俱不宜多

睡房擺放傢俱不宜過多,亦唔好擺放過多嘅雜物,否則容易形成鬼影重重嘅不良效果,對人嘅情緒同精神造成不利影響。

光線要適當

睡房光線唔可以太燦眼,否則會令人產生急躁、頭暈問題,光線亦唔可以太暗,咁樣會令人壓抑、昏沉。

床嘅方位

床頭要緊貼牆壁,要有靠山唔好留有空位,床頭無靠,床位不穩,就會令人產生情緒起伏、低沉不振。床頭亦唔好對住門口,風水學稱為門沖,唔好對著窗,會容易受外來煞氣影響,令人產生幻覺,惡夢頻發,影響睡眠。

室內擺設要注意

床唔好放置係橫樑下,上方儘量唔好裝大型吊燈,亦唔好有吊櫃之類嘅擺設,睡房內嘅廁所,要保持通風,瞓覺時門要關閉,特別留意廁所門唔可以對著床。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

標籤: 裝修  裝修佬  睡房  風水  裝修風水  睡房風水  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→