10種睡房佈置方法,還你優質睡眠

裝修佬話你知 於 16/10/2016 發表 收藏文章
香港人工時長、壓力大,瞓唔著嘅情況時常發生。除咗飲食方面保持清淡、適量運動有助睡眠之外,睡房嘅佈置都可以幫你改善睡眠素質,從貼身床上用品、燈光設置、細緻物件嘅佈置都可以營造舒適宜人嘅睡眠環境。裝修佬今次同大家分享10種睡房佈置方法,送俾容易失眠嘅你。


色彩搭配

睡房整體色彩主要係睇個人喜好,比較穩陣嘅做法係用淺色(白、米、灰、啡)作為基調,同時添加各種圖案、質地嘅飾品(比如攬枕、窗簾、各種擺飾等)來增加情調。而暖色系(紅、橙、黃)則可令室內充滿溫暖。

睡房風水方位

係床前鋪一塊質地柔軟嘅羊毛地毯,會令你起身時擁有好心情。床嘅方位同周圍物要注意:如果睡房較大、床放係中間位置的話,床頭唔適宜靠近窗邊。床前唔可以有鏡反射。另外,儘量將運動器材、電腦、電視機放到唔顯眼位置。

睡房照明

睡房係用來休息嘅地方,因此,採用燈光應該儘量柔和、溫暖,營造放鬆氣氛。比如係衣櫥上方裝燈、係床邊加裝床邊燈、細枱燈,安裝高度要以照到成本書為限。為咗令光線更柔和,最好係上面加一個燈罩。

溫柔體貼的床品

被套同床單按照個人對材質嘅喜好來選擇,舒適柔軟嘅床單令你更安然入睡。一般來講,以棉製品為好。小貼士:棉製品支數同密度越高,手感越舒適,而且更耐清洗。   

舒適床褥

選購床褥時候必須從身高、體重同唔同床褥類型等幾個方面考慮:身材高大者應選擇偏硬床褥。體重較輕者應選擇偏軟床褥。  

合適嘅枕頭

挑選枕頭要根據個人習慣嘅睡姿。習慣平睡嘅人應選擇高枕,而側睡者枕頭應更高啲,喜歡趴睡者,最好選擇低枕。

精油、香薰


適合睡房使用嘅精油包括洋甘菊、天竺葵、薰衣草、鼠尾草、檸檬等,精油有令人放鬆效用,特別係薰衣草,可以令睡房擁有放鬆的氣氛,對睡眠大有幫助。

保護睡眠嘅窗簾

對於入睡前需要暗沉環境嘅朋友,可以採用遮光窗簾或窗貼,麻質或其他厚布料。如果睡時需要燈光或鐘意瞓醒時有陽光曬入,可以採用質地輕薄窗簾,或者可濾光嘅羅馬簾,另外,可半開嘅垂直簾係唔錯嘅選擇。

播放舒緩音樂

購買睡房喇叭前要先考慮可視距離,根據唔同距離選擇唔同類型嘅喇叭。但最好唔要使用大功率設備,否則會損害聽力。迷你喇叭係唔錯選擇,同時唔會佔據太多空間。

綠化室內環境

係床邊或窗邊擺放綠色盆栽,除咗美化環境之外更對入睡有幫助。每晚瞓前同每朝起身見到綠色盆栽可以擁有好心情。注意唔係全部綠色植物都適合係室內擺放,購買前記得做好功課。


(以上圖片均來自網路,如有任何版權問題,請與本站聯絡)

原文連結

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→