［點解會變成咁］買股票的壞心態 （一）

http://hkstockpassion.blogspot.hk/2016/09/blog-post_20.html

Q1: 消息面定技術面重要D？

好多人都知，買股票係要睇兩方面

1.消息面

2.技術面


有好多人問？買股咁到底係要睇消息面定技術面？成日睇電視見到D分析員都係用技術分析，技術面睇落學術派／科學D，應該會準D？

對我而言，消息面係絕對重要過技術面。消息面係決定你買定唔買，技術面係FOR你決定幾時買。


純粹跟技術買，都係輸多，所以老美個D電腦algorithmic trading 都唔一定SURE WIN


我講既消息面唔係你睇左我個BLOG／某專家係電視俾左個number你／小道消息，而係睇個股票既前境，股價反映既係公司未來既價值，而不是現在的價值。That's why有D股雖然蝕緊錢，但股價可以再升！777網龍和762都係一個好例子。
如果你肯長線投資，即使股價俾外圍影響／市場暫時未睇到，只要有時間，股價係會反映返佢既價值。隨非消息面有變，否則唔需要驚。

Q2:XXX跌左幾蚊／個市升佢唔升點搞？


成日睇到有人問，700/HSBC跌左點搞？駛唔駛放左佢？淡友自然借題抽水，吹到700會一日大跌40蚊咁樣，其實駛咩驚？問得出呢D問題既人有兩大錯誤
1.跟市太貼
2.短炒不應選大價股

只要相信基本面無變，咩都唔駛理，跟市太貼只會令你低賣高買，無一例外。有時間，讀下書做下運動好過！

Q3: ADR/IG 跌左好多，點搞？？？？



首先，ADR同IG既成交量好小，我地恆指一日有1000億成交，ADR只係反映係美國市場對香港既影響，而且只INCLUDE幾隻大價股。IG仲衰，成交好小，不足一提。有留意開就知，ADR同IG同港股CORRELATION係低到不值一提，最多只同開市價有小小影響。好多時候ADR同IG只係一個LAG BEHIND既FACTOR！

D報紙之所以會提ADR，其實都係無野寫拎黎寫下，真正影響港股既唔係ADR同IG，而係我地自己，ADR同IG先係跟住我地（FOLLOWER）

Q4: XXX到頂／破頂，好似好貴，買唔買好？


港股係強者愈強，你睇下700就知，150蚊貴？200蚊貴？而家210蚊貴？
弱者特別講緊700科網通訊／遊戲呢D，你買弱者只會愈買愈CHEAP，隨時爆BOWL
追落後，好多報紙佬會鼓勵你去做，但其實好大risk，隻弱勢股弱自然有佢既原因！
事實上，強者愈強，係現實社會都一樣係咁，好奇咩？

其實所有都係common sense，點解一去到股票市場，大家就唔記得曬？點解玩模擬ACCOUNT個個都係股神，但一去到用真錢就輸？因為係心態問題，唔跟自己原則，多多都唔夠輸！