Ben sir 告急

何君默 於 17/01/2018 發表 收藏文章
當見到呀Ben sir 係FB 話自己啲飛賣唔晒嗰陣要告急時,作為曾經欣賞佢喺TVB 大台嗰度將廣東話俗語粗口發揮得淋漓盡致嘅觀眾,亦都替佢有啲焦急。

其實我係幾欣賞Ben sir 嘅,因為原本喺普通人嘅眼中,中學大學教書嘅老師教授個個就好似係象牙塔嗰度痞左唔知幾耐嘅鋪塵老古董咁。但喺突然間有一個咁跳脫嘅阿Sir 走出黎用廣東話俗語同粗口嘅典故,去令到大眾更加容易入口,更有興趣去明白返廣東話其實係非常之有趣,同埋有佢嘅保存價值,係筆者樂見其成嘅。

其實係呢一方面,我作為廣東話嘅使用者,特別係喺而家普教中喱個時勢,連街上面見到嘅小學生一齊傾計都用普通話嘅時候,無論用任何方式去保存香港人嘅語言,喺開心嘅,係非常之欣賞嘅。

咁作為一個喺niche market 嘅pioneer——Ben sir, 之後就俾大台捧佢客串下劇集,又捧佢出去做talk show 啊,接下廣告咁,一浪接一浪。到左最尾,佢連書都直情唔教,全職咁樣轉行做咗藝人,咁其實都好嘅,反正都算有喜劇細胞,扮周星馳都幾似哈哈。

但點解到左而家啲飛仲未賣得晒呢?最主要兩個原因係show 開得太密同粗口棟篤笑缺乏永續性。大概Ben sir 諗住勢頭大好,密食當三番。但正所謂「凡事太盡,緣分勢必早盡。」觀眾都要抖下氣,就好似100毛啲show 咁,開得大密preparation 就自然會唔夠完善,最終可謂兩敗俱傷。等啱一個適當嘅時機,唔使開咁密搵咁快錢,得閑開一場show,其實儲得足夠嘅觀眾去睇已經好好。

Anyway,到最尾,本人都想衷心多謝下作為廣東話俗語粗口嘅先鋒Ben sir,希望可以汲取今次嘅經驗去沉澱下,wish you all the best!

如果喜歡我們的文章,請即分享到︰

標籤: ben  sir  100毛  廣東話  俗語  粗口  周星馳  廣告  普教中  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→