每個男人,大抵都期望過係旅途上遇上一次陳綺貞 精選 推薦

每次開ig或者ViuTV,少不免見到幾件文青女,全部不外乎一式一樣短髮長裙外加一雙純情無知嘅眼神,其實本身嗰堆女仔個樣就已經唔差,of course,佢地自己又點會唔知,但又唔q想人地一望到佢又覺得,「挑,咪又係得個樣!」於是,一堆偽脫俗嘅文青女應運而生。但係,係我心目中,可以稱得上有文青氣質嘅女仔,大概只有陳綺貞。
雖則話男人不嬲係用下半身諗野嘅動物,但理性嘅時候不嬲都好理性, no joking, 如果上天俾你揀,你一條獨撚去旅行, 你會想撞到雞扒妹定陳綺貞,揸住支青島對住班兄弟個時,梗係大喝一句「你老味,肯肯定係雞扒妹喇,嘩,俾我見到佢呀,一定……」之後自動進入思想飛行模式。但問心, 每個男人,當靜落黎問一問自己,大抵都期望過係旅途上遇上一次陳綺貞。

畢業旅行嘅時候,當成班同學個q個俾條女撳住要去日本掃藥妝去韓國食泡菜之際,你一條獨撚決定特立獨行玩另類,一丁友坐西伯利亞鐵路去俄羅斯莫斯科,啲朋友個個都以為你黐q左線,你笑他人看不穿。汁幾件T加一條爛牛就走,決意要係當港奴之前思考人生。
你望住張去北京嘅火車飛,下層個同胞打左個加大力度嘅乞嚏,嚇到你三魂唔見七魄,個心諗緊自己究竟做乜9之後轉左幾程車,終於上到聞名已久嘅西伯利亞鐵路。

望住窗外前幾分鐘仲係烏蘭巴托廣闊茵茵平原,轉眼換成波光粼粼嘅海岸線,一幕幕仿如置身千與千尋入面,離奇而玄妙。忽地耳畔傳來一陣結他聲, 你一步一步朝住結他聲走去,直至見到一個女仔嘅身影,一件navy blue嘅 hoodie加一條老牛再配一對新平衡,一綹秀髮旁落半掩面。「可唔可以俾我繼續欣賞美妙嘅音樂?」 一個唔小心chok左個李奇腔出黎tim hihi,心裡暗暗自屌一聲,佢望左過黎笑一笑, 然後繼續彈結他。

結他喱樣野好得意,好似男仔彈結他會俾人話用黎媾女,但唔會有人話女仔彈結他會俾人話用黎媾仔。望住窗外不停轉換嘅風景,然而你嘅視線只落係面前嘅陳綺貞度。之後同佢吹下水,發現原來佢係台北人,今年gap year想出走睇下個世界係點。你諗一諗自己,你都gap左一年,但係係去銀行做啲無return offer嘅 1-year 19 internship。你地由雨革講到太陽花,由上水傾到淡水,到左莫斯科,當你想抄佢牌時,佢淡然地講左句「有緣再見」就走左,perhaps it’s right,人生若只如初見。
但自此之後,每當你一聽見「旅行的意義」嘅時候,就會諗起陳綺貞, 嗰個旅途上曾遇見的陳綺貞。