每天小習慣 (1) - 閱讀財經版 精選

要有自由生活，可以決定玩咩、食咩、去邊度玩，就自然要有錢。

打份工，得雞碎咁多，當然要股仔幫補下。

所以我每日都會睇下財經版，睇下財經人點睇個市(基本上都唔中多，不過當係睇下個風向係咩)。

我睇財經版有三個程序:

第一係財經人對個市的態度。唔係睇估升定跌，係睇佢點解估升定跌，例如美國放水與唔放水已經搞到個市天翻地覆，同一個借口可以借無數次來用，所以要睇下呢牌興咩，睇下個市D借口用完未，用完咪有機調頭走。
第二係睇財經人對大股的態度，我講的大股係講藍籌同國企。睇下佢地會吹邊隻，同點講。睇完，就要諗下避唔避開佢，定係佢地係無野講都要攞來講。

第三係睇財經人對細股的推介，即係名不經傳果D，個股權轉左十幾手果D。呢part 係最重要，因為係會令你幾個月內多左幾個月什至一年的人工。睇下佢地有咩推介，基本上可以避開呢D股，因為.............(你知點解的)。

睇完仲要做功課。不過每日都要睇下財經版係必須的。如果唔係，就真係無咩銀可以洗。