香港大嶼山旅遊攻略﹣ 天壇 大佛

Jenny life 於 13/09/2018 發表 收藏文章
到香港旅行除左去黃金鬧市之外,到郊外旅遊都係一個唔錯既選擇。一提到郊外,大家可能會覺得冇乜野玩,又冇大商場,又熱又多蚊,但如過你係去大嶼山既話就絕對會推翻你原來既諗法!

提到大嶼山就會即刻諗起昂坪360纜車,昂坪市集,天壇 大佛等等。當中天壇 大佛被譽為大嶼山最著名的旅遊點之一,係世界上第二大既戶外青銅座佛,鄰近寶蓮禪寺,由昂坪市集出發,只有約10分鐘步行既距離。

天壇 大佛展現釋迦牟尼在菩提樹下得道時既坐姿,右手展示「無畏印」代表救贖眾生痛苦的大悲心願,左手則下垂腿上,展示「予願印」,寓意予眾生福樂。所以,一眾善信朋友都會到天壇 大佛祈福。

夏天到戶外雖然比較難以忍受,但當你見到如此壯觀既天壇 大佛之後,一定會覺得辛苦都係值得既!!

前往天壇 大佛方法:於鄰近港鐵東涌站B出口的東涌纜車站乘坐昂坪360纜車至昂坪,車程約25分鐘;下車後,再步行約10分鐘
了解更多:https://www.np360.com.hk/tc/attraction/the-big-buddha

留言


請按此登錄後留言。未成為會員? 立即註冊
    快捷鍵:←
    快捷鍵:→