M+不是說去就去

呢篇文章唔喺介紹Ｍ＋有咩玩，而喺因為去過一次，心知不妙，在此要提一提準備向往的人士。


第一，一定一定要擇日。
由於現時預約不算多，預約網站(https://www.klook.com/zh-HK/activity/64796-m-plus-entrance-ticket/)有大量日子選擇。可以的話，選風和日麗、陽光普照的日子去。皆因場內有不少打卡位會影到室外，因此想影靚相，就擇日啦。

第二，忌空腹。
去過的人都知道這個博物館十分大，展品多到一日看不完。如想在館內有更好體驗，最好就入場前填飽個肚，免得行行下飢腸轆轆，到時顧住搵嘢食。搞到有嘢睇唔到，嘢食就食落肚。

三，要早到早到早到
早到著數多，多些時間參觀之餘，食嘢買嘢又不用同人爭，連廁所都清新過人，打卡都打得過癮過人。如時間許可，還可以前往鄰近的海濱長廊漫步或者在藝術公園草地野餐等等。

四，忌冇目標。
再次強調，場地堅大，沒可能一天看完、走完。最好入場前先拿份導覧圖研究下想去哪個館，哪個館值得花時間。由於現場打卡位實在太多，如能一早計劃定去哪個展覧區，到時就可避免走馬看花，還可以發掘有咩作品值得埋去打卡，拍埋去影張靚相，包保一定有人LIKE。我就搵到幅啦，你都快啲去搵番幅專屬作品拍照啦！
最後，實行多感官之旅。
Ｇ層設有語音導賞，有興趣可以借定。實行除左眼看，手動拍照，仲可以耳聽八方。相信當日收穫一定十分豐富。

另外，博物館設有衣帽間／儲物櫃，忘了是否免費。因臨走時才發現，感到相當可惜。如果有帶小朋友去，亦可以借用嬰兒車，先到先得。