[KJFOODLIFE 九龍城] 新年要酥Luck 彩虹酥皮牛角包


食團年飯咁多人,諗買啲小食甜品真係諗死,酥妃新推出好意頭酥Luck真係岩哂,忍唔住堂食左幾舊先打包走。





雖然係賣蛋撻出名,不過成個裝修都超現代超靚,門口已經放上左好多出爐既蛋撻超吸引,仲有新推出去牛角酥同埋酥Luck。


入面仲有唔少其他產品,見到好多五顏六色好色彩繽紛,全部都係酥皮整成有一定既質素。


除左蛋撻之外,仲有鮮奶撻同埋榴槤撻,見到蛋撻果種金黃色真係超超超想食。






裝修好現代之外入面都有少少仿照番餅店既特式,好似入面既廚房裝修同埋新鮮出爐既標誌。中間都有好多好特別好有心思既牌寫住非一般的蛋撻同巧手製作。



最搶眼一定係呢個LED燈既TART字,係天花延伸落黎好有特色,大家抬起頭望下就會見到,當然唔少得大大個蛋撻標誌喇。


除左新鮮出爐既酥製品,仲有好多可以一盒盒買走自己食或者送俾人都好得體既產品,又食又拎喇咁就可以。





一定一定要食既《蛋撻》($10),人手製368層一咬真係好酥脆,最重要係唔油膩,好驚食到成個蛋撻成口油,入面全蛋造好香蛋味仲勁滑溜,另一白色果隻係《鮮奶撻》($12),奶味都幾香但至愛都係蛋撻。





酥Luck系列($10)就係好似冬甩咁,不過入面唔係用麵包,用哂酥皮做好脆身之外又好咬口,特别推介《覆盆子酥luck》食落酸酸甜甜同《焦糖酥luck》上面有勁多焦糖,好鍾意食甜野既我真係覺得好正。仲有百香果味,桂花焦糖味,藍莓味同玉桂焦糖味可以揀。





隔離仲見到好五顏六色既Something彩虹牛角酥($18),除左原味之外,最好食同特別係《忌廉芝士牛角酥》,芝士香又唔會好膩,另外《有機蘋果牛角酥》清清甜甜都十分推介。另外仲有芝麻竹炭都好特別。



食牛角包都有軟心流心既《宇治金時牛角酥》除左牛角包係抹茶色,入面軟心充滿左抹茶醬。至愛朱古力既我緊係食埋《榛子朱古力牛角酥》,仲有粉紅草莓岩哂PINKPINK既女仔。


店名:酥妃皇后
地址:九龍城侯王道24號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖

歡迎報料同合作:
Email: kjfoodlife@gmail.com
Mobile: 63525193

餐牌:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→