[KJFOODLIFE 大角咀] 素食自助餐 魯肉飯都有得食


食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。



外圍用左藍色做主色,再加上開左上半邊做窗位,成個小店既感覺都好舒服,仲有大大個蔬字既標誌係外牆度。







入面主要都係用左白色同灰色做主色,成個感覺係好簡潔,另外仲有好多學校既木椅,好似番左小學一樣,仲有一啲標語同埋小裝飾都好有意思。




呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。



係餐廳入面既長長既自助餐枱同收銀櫃,都係係殺校既學校圖書櫃度拎番黎重新裝修,就咁睇真係好新好靚,環保得黎有意義又美觀。




最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。


另外係呢個《口水雞》,用左素去整出黎成個樣真係好似平時食既口水雞,食落辣味都幾夠,岩哂食得辣既人。


中間既《菠菜脆脆卷》外面既綠色皮食落有陣香味又煙韌,入面包左好多蔬菜夠脆口,《蔬菜壽司》就好似食平時日式卷一樣既口味。




另一味台式主題既野食係《台式魯水豆腐蛋》,整到超似魯水香腸,仲有果個豬大腸個樣真係一模一樣,食落其實就係豆腐質感,個汁都幾入味。



呢個《素薄餅》都係推介之一,估唔到素食都有薄餅食呢,一拎出黎大家真係為之瘋狂,說時遲那時快咁就俾人掃哂。




另一款好好食既係《薯仔沙律》同《蘋果沙律》,其實仲有《螺絲粉沙律》,個沙律醬真係激好食,聽到隔離枱都話正係咁食。仲有一個《紫薯蓉》好有紫薯香,放埋上窩夫筒仲可以扮雪糕。






仲有個《素揚豆腐》,個腐皮夠哂甜味。《新竹炒鴛鴦米》,炒得夠香又有咬口,用上左兩隻米粉夾埋又幾岩,仲有《油條》咬落仲脆身同唔會食落好油。




居然見到有我好鍾意食既《茶葉蛋》,成個殼都已經浸到上哂色見到都吸引,仲有《黃薑炒飯》,飯粒分別乾爽,夾上左少少提子乾。






仲有好多好多唔同既素食,《清炒時蔬》《三杯豆腐》岩哂大家想食清啲又得,食入味少少既都得。《豆卜燴冬瓜》個圈圈整得好靚又淋身,《酸甜咕嚕》酸酸甜甜夠哂開胃。



仲有《老黃瓜粉葛赤小豆湯》夠哂健康又清香,仲有五花茶同埋普洱茶可以揀黎飲。




甜品最好食既有《豆腐花》係自家製既,可以加埋黃糖薑水一齊食,《紅豆沙》見到粒粒紅豆好足料,甜度夠仲有陳皮香,假日晚餐都係$148真係抵食。


店名:走肉‧朋友
地址:大角咀博文街28-30號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193

餐牌:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→