[KJFOODLIFE 旺角] 旺角青花小綠洲 新派泰國風味菜

今次去到旺角食新式既泰國菜，原來店舖係Atum旗下既餐廳，去過Atum都知道無論設計定係擺盤都勁有心思。




[/img]

旺角既小綠洲緊係唔少得勁多花草既裝飾，行到門口已經見到掛左一排既植物做門外裝飾，入面更加有大大個既花草吊飾，而牆身用上左藍白色都好有大自然清新既感覺。




唔想諗就叫個二人餐($428)搞掂，頭盤小食可以揀串燒、大蝦冬蔭公同埋小食拼盤，我地揀左《沙嗲串燒》，烤雞同和牛每款有兩串，兩款都燒得岩岩好，點埋沙嗲醬更惹味。



熱愛《蒜蓉包》既我緊係要叫一份，蒜蓉包一黎到真係勁大舊勁厚，上面塗滿蒜蓉牛油超香，麵包都焗得好脆身。


菜方面有得揀泰式肥豆兒醬或者蒜蓉炒，《泰式肥豆兒醬炒白菜苗》用左泰式醬調味有少少咸咸地，白菜苗都夠新鮮。



主菜方面叫左《泰式大蝦炒金邊粉》，上面有兩隻大蝦，開埋邊夠方便食，金邊粉較濕潤酸味味，可以配埋旁邊花生齊齊食。





野飲叫左《鮮熱情果梳打》，用上左整個熱情果，飲落酸味味好開胃，另外一杯係《班蘭椰子奶蓋》，淡淡既班蘭味加上椰子既濃香。




甜品加$25要左《芒果糯米飯》，貫切擺盤都要靚既精神，芒果切好一片片擺得勁靚加上花做裝飾，糯米飯熱辣辣，配上椰汁更香，旁邊仲有椰子脆片更有口感。


店名：青花
地址：旺角奶路臣街17號The Forest 1樓107-108號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌: