秘密星球已經做左一排，見到啲打卡相勁靚，而家延長左緊係要去一去，用光影等等做成左勁多打卡位，去影番夠本先得。
大家可以先上網買定門票先，如果唔係即場都可以買，買完之後就會有手帶戴住，記得要戴左先入得場架。
門口已經有好多懷舊風既傢俬，有舊式既電視機、收音機、信箱等等，就算未入門口都已經好多打卡位。
當你企係穿越電話亭之後，電話響之後你就可以推門入去另一個世界，其實呢度係由5隻怪獸分別係 Pete、Uni、Luc、Shan、Ed既星球，一入去就會見到滿佈星星既場景。
首先入到彩虹隧道，見到成條隧道不停咁變換唔同既顏色，當有你鍾意既顏色就要禁你部相機影低佢喇。
下一個景點係星之家，呢度會有互動，可以禁螢光幕上面既地方去充電，星之家就會有唔同既形狀，到最後充電完成會有動畫出現。
入去下個場景前會有個小過渡，有四色燈玩倒影，可以整出唔同既圖案會有唔同色彩既影像出黎，有幾創意點樣玩都得。
螢光花園就可以同五隻小怪物影相，螢幕上會播出怪物既音樂會，同時你可以扮下怪物同佢地一齊影番張相。
無限延伸場景會有不停咁轉換場景，有四面玻璃映射唔同畫面，其中有一幕好似係星河中間，堅係打卡首選既景點。
扭曲時空就玩時代感型格Feel，入面用左LED燈條營造一個多邊既世界，趁住顏色變換好似入左時光隧道一樣。
冒險狂想隨意門係一個色彩既世界，好似有好多小眼仔望住你，入面有不同既小門，大家可以打開黎玩下遊戲，最後要搵番岩既門走出去。
最後一個場境係魔力鏡子，由一系列既凸透鏡組成的牆壁組成，可以對住鏡影出唔同既自己，大家可以對住鏡影相會有唔同既驚喜。
大家入去之前其實可以試埋呢個螢光紋身，將你要整既部份放入去之後吹乾就得，入到去星球就會係某啲場景見到螢光色好特別。
活動：秘密星球奇幻之旅
日期：即日到12月31日
地址：淺水灣海灘道28號the pulse商場B1層
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE
歡迎合作或查詢:
Email: kjfoodlife@gmail.com
請按此登錄後留言。未成為會員? 立即註冊