[KJFOODLIFE 銅鑼灣] 台灣嘛嘛地到港 辣辣打拋豬烏冬


嘛嘛地唔通真係嘛嘛地咩,食過你就知味道,台灣黎既咖啡店,一貫台灣咖啡店作風,環境好舒服同好多好正既標語。





門口既設計已經好有玩味,成個線路板一樣,入面就好有台灣咖啡店既感覺,簡單得黎又有設計,而且坐得好舒服,仲有個設計到好似小花園咁既地方。






台灣既咖啡店一直都係設計多多,而且充滿左好多唔同既字句,一入門口就會見到個蕩失路既牌,同埋門口有個經常肚餓既標語都好有趣。





整到好似小花園咁既用左一啲紅磚既設計,仲放滿左好多唔同既植物,另外仲有個蛋糕櫃大家可以揀,台上面都放左個靚靚既樽同花。




小食叫左《明太子脆炸薯條》($38),用左個籃仔做擺盤,薯條炸得好香脆不過唔會好油膩,上面就沾左啲明太子,不過可以再香辣少少。





主食就叫左《千島軟殻蟹芝士比薩》($128),真係一大隻軟殻蟹上,仲要面層炸得勁香脆,Pizza夠薄身咬落又勁脆,上面仲有菠蘿同蟹肉,最正係居然有薯蓉做餡呀。




另一份叫左《都幾辣的泰式打拋豬烏冬》($108),呢度既名好多都好玩味,好似黑到痺求求其其炒你魷魚都係菜名,呢個真係辣度幾夠又好多肉碎既泰式烏冬,烏冬較濕身仲有兩大塊香脆蝦片。




野飲叫左《焦糖脆脆咖啡沙冰》($48),大熱天時緊係要飲杯凍野,上面放滿左焦糖脆脆,飲落冰沙好涼爽咖啡味都濃,最有心思係杯墊都有設計。



成個好古色古香既《洛神花柚子茶》($45),打開見到入面真係真材實料好多洛神花,飲落酸酸地夠膩。


店名:嘛嘛地
地址:銅鑼灣霎西街28號必發大廈1樓

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎報料同合作:
Email: kjfoodlife@gmail.com
Mobile: 63525193

餐牌:





留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→