納入狠狠懲罰系列原因 - 派飯糰、連儂牆、囗號收據、響應罷工、FB文宣
自從出名既日本野列入不可幫襯之後，搵好耐搵一間食得放心又好食既日本餐廳，終於銅鑼灣有間小店又有良心又好食，仲要蝕住錢都派飯糰真係點可以唔幫襯到佢包腐皮包到手軟呀。
入面有勁大幅既連儂牆，貼到連本身牆身果隻為食龍都遮住哂，仲有個好出名好多人影既巴斯光年公仔，寫住我枝激光槍不是武器，仲有摺左勁可愛既連豬公仔。
除左好多黃店既裝飾之外，本身都有好多唔同有特色既字句標語係牆度寫左，其實成間店雖然好細間但係覺得好俾心機去做設計。
《為食腐皮系列》($20-22)：分別叫左蔥吞拿拖羅蓉，柚子左囗魚，黑松露帶子粒，舊舊都勁大舊，每舊腐皮都勁甜又唔乾身，刺身都超足料，左口魚油香加上柚子清新中和番，帶子超大粒又厚身，粒粒吞拿都好新鮮。
《自選三款車仔便當》($72)：咁岩撞正好多人呢份真係等左好耐，大家記得要預足時間去食，便當飯量超多，叫左角切三文魚，拖羅蓉同牛油果，滿滿既刺身舖滿係面仲有蛋絲同紫菜，美中不足係牛油果太生太硬。
店名：為食龍
地址：銅鑼灣耀華街3號百樂中心地下G01號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFEOpenrice: KJFOODLIFE
歡迎合作或查詢:
Email: kjfoodlife@gmail.com
餐牌
請按此登錄後留言。未成為會員? 立即註冊