吱吱吱吱吱吱吱，成日行過都會見到佢地個易拉架，覺得都幾得意，於是就搵左日去探下呢堆咁可愛既小鼠。
搭電梯之後，望一望你既右手邊，跟住入去要再上一層樓，先可以去到呢間小鼠餐廳，連樓梯都貼滿左佢地既標誌好有心思。
行到埋去就會見到勁大個綠色既草場，準備入去同佢地一齊食，放左個好日式既招牌。
當然唔少得好多日本既裝飾，一入去已經見到個富士山，入面仲有好多小鼠既公仔，好似大大隻咁有得攬既，或者台上面都有好多好可愛既小裝飾。
座位好舒服，用上左小梳化，坐得好舒服仲好悠閒既感覺，另外果邊都有一角好仿日本既座位。
上面仲掛左好多布幕，同掛上左好多紅葉，連餐具色系都好有日式既感覺，好明顯花過唔少心機襯過。
除左食野之外仲有唔少日本既進口貨賣，實行一路食一路買。
好多位都放左啲攬枕，坐得舒舒服服仲有野可以攬，好喜歡粉色櫻花既圖案，上面仲掛左好多唔同既小畫。
除左日本既產品之外，上面仲有好多好可愛既公仔既茶罐，全部放哂係個飲品台度真係好靚好吸晴。
超濃超白既《北海道3.7牛乳皇帝蟹腳鍋》($156)，用左個木整既底座好特式，先飲啖湯好入味，蟹腳有好多仲好細心開哂，一推啲肉就出黎超方便，入面仲有入哂味既粉絲。
小食既《燒雙重芝士年糕》($58)，燒過之後入面既芝士真係溶哂同熱辣辣，一咬入面啲芝士爆哂出黎，芝士都幾濃味。
叫左串燒《汁燒牛脷串》($37)，牛脷厚切加上醬汁燒，食落都幾香口不過有少少韌，《和牛串》($39)就幾好味，入面依然嫩紅，上面仲放上左蓉更好食。
仲有個《菠蘿串》($32)，微微燒過食落口熱辣辣，入面仲係超多汁同埋幾甜身。
飲品居然有成五頁紙仲要寫到超滿，真係揀死人，招牌咖啡《Hamsta Crown Coffee》($25)，用上左手動拉桿式咖啡機更費時間，飲落真係好香濃。
仲有呢杯《焦糖鮮牛奶朱古力》($36)，見到個邊仲有勁多朱古力就知有幾足料，飲落真係啖啖朱古力香味，攪勻之後更加濃。
嘆埋個酸酸地既高質《Jam Lemon Tart》($38)，食落唔會太酸，加上厚身既批邊，整埋呢個甜品作結超滿足。
店名：ねずみの王冠 喫茶店 Hamsta Crown Coffee
地址：觀塘巧明街106號冠力工業大廈15樓1501室
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: kjfoodlife@gmail.com
Mobile: 63525193
餐牌:
請按此登錄後留言。未成為會員? 立即註冊