放假梳乎嘆好啲，去過澳洲就好掛住個西瓜蛋糕，香港都有得食順便食埋個晚餐填下肚，二人餐都係$338埋單。
店內有好多唔同既小裝飾，首先一入門口就會見到個大大幅既畫，畫左招牌名之外仲有好多可愛既小動物，入面既櫃上面都放左好多好可愛既動物公仔。
除左有普通位可以坐之外，仲有對窗位可以坐，望到外面既環境，人來人往咁，或者日頭有日光曬住睇下書飲杯咖啡都幾寫意。
店內有唔少植物，成個環境都好舒適，仲有個玻璃樽玫瑰花好搶眼，另外有蛋糕櫃放滿左當日形形式式既蛋糕。
完全忘記左自己有叫沙徫做頭盤，又叫個沙律，不過好在都好新鮮，今日真係健康日，另外個湯都幾濃味，上面有塊麵包仔一齊點黎食。
頭盥既《魚子醬蟹肉牛油果沙律》，面頭放上魚子醬同份量唔少既蟹肉，沙律菜夠新鮮仲有幾粒車厘茄，蟹肉下面就係牛油果，夠哂creamy。
另一款係《意大利迷你薄餅》，有成六舊份量唔少，個餅底一咬勁脆，上面仲舖滿左勁多菜同溶哂既芝士。
主食有《黑松露雜菇意大利飯配日本帶子》，無哂牛肝菌醬變左黑松露，意大利飯煮得較淋身，日本帶子大隻煎完更香。
甜品緊係有主角既《草莓西瓜蛋糕》(+$20)，中間夾左一層西瓜上面有幾片士多啤梨，加上花瓣同中間滑忌廉，未有得去澳洲吊住癮先。
食完甜品最好就係嘆番杯咖啡，《Flat White》濃濃既咖啡香為呢一餐做個幾唔錯既終結。
店名：LIFETASTIC
地址：西環石塘咀山道31-37號地下B舖
即刻入去Like & Share埋我地既其他頻道:Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎報料同合作:
Email: kjfoodlife@gmail.com
Mobile: 63525193
餐牌:
請按此登錄後留言。未成為會員? 立即註冊