下晝食飯行過見到新開小店，見到好多乾花佈置，又有陽光照入去幾文青，夜晚原來可以飲兩杯又係另一種情調。
無論外面到入面既設計都有心思整過，出面可以輕輕咁見到入面而玻璃上又痴左店名同字句，夜晚入去色調係柔和舒服，真係可以飲住野好好抖一晚既感覺，高枱吧枱梳化都有齊真好岩飲杯酒傾下計。
設計都用左好多心思，門口入去有六角形鏡增加門口空間感，入面有啲民族風既設計又幾岩個色調，仲放左唔同既小植物。
佈置方面就放上左好多乾花，日頭真係可以打卡扮下文青少女，夜晚暗暗地就變左有情調既裝飾，真係覺得餐廳放一啲岩色彩既乾花好靚。
枱邊既感覺都幾正，暗暗燈光有盞微微既射燈照住，燈面仲有個好靚既蠟燭台加上蠟燭氣氛更好，仲有小植物唔會太單調。
Cocktail都有勁多選擇，叫左一杯《Mojito》(HH$70NH$100)，成個感覺好Fresh，Mojito有Rum滲出淡淡既酒味，加上Lime Juice同薄荷葉夠哂清新。食埋小食更加惹味，上面有啲咖喱粉真係辣度出哂黎。
Mocktail叫左《HYGGE Tonic》(HH$52NH$72)，好靚既設計上面仲夾左橙乾﹛Orange 同Grapefruit Juice入面加入左Lavender Syrup，飲落西柚味較出感覺幾岩夏天。
野食雖然未係自家制不過質素都唔差而且擺盤好靚，呢碟《泰式生蝦》($128)生蝦都有十幾隻，食落都夠鮮同爽口，點埋醬汁更有辣味。
店員推介呢個《燒牛肉》($128)，一開始以為細細碟黎到份量都幾多，牛肉燒得岩岩好，外面油香味夠入面仲係嫩紅色好好食。
主食叫左份《炒金邊粉》($88)，色澤都幾靚，炒得唔會太濕又唔會太乾岩岩好，而且幾香口仲有幾隻小蝦伴住。
店名：Hygge Bar
地址：尖沙咀漆咸道南29號溫莎大廈地下2-3號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
歡迎報料同合作:
Email: kjfoodlife@gmail.com
Mobile: 63525193
餐牌:
請按此登錄後留言。未成為會員? 立即註冊