[KJFOODLIFE 尖沙咀] 鹽焗本地滑身盲鰽 超闊手造意大利麵

K11都幾推廣綠色生活，其中一間餐廳就有滿滿既田園風，連餐廳外面都種左好多小蔬菜，入面放左好多農具農作物做裝飾品。


行埋去外面有賣一啲綠色產品，餐廳門外就放左好多唔同既種植植物，未行到入去都感覺到一陣清新既氣息。






入面有較私隱既小卡位，都有大大張既台可以一班人聚餐，餐廳佈滿左好多田園既網飾，好似榭枝、稻草等等都行田園風。





先上左麵包之後就到主菜既《蟹肉美國露筍闊條手造意大利麵》($178)，上面有一大堆既蟹肉，個闊條麵名符其實夠哂闊，配上濃稠忌廉蒜白酒汁，啲闊條麵都幾掛汁，加埋蘆荀感覺健康左。




行田園風緊係唔少得要叫綠色食物，《羽衣甘藍腸肉薄餅》($168)，羽衣甘藍真係健康之選，不過焗出黎又唔會好重味，上面有勁多芝士多到拉絲，加上腸肉添左咸香味。







最期待既《鹽焗本地盲鰽配黑蒜炒菜》($298)，有一系列既餐單用上本地食材，一大條魚用鹽包好焗，再係你面前整碎開皮就食得，魚肉夠嫩滑，香茅等香料塞入魚度焗，啖啖魚都食到香料味。


店名：野玩田店
地址：尖沙咀河內道18號K11購物藝術館2樓201號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌: