見到網上面有好多呢間餐廳既靚相，有勁多可愛既動身擺設不停俾人打卡，搵下之後原來係一間油麻地酒店既餐廳。
一出電梯已經見到有勁多好可愛既動物公仔打卡，門口已經放左兩隻大大隻既羊咩咩同埋好多小小既擺設，餐廳入面就有長頸鹿、貓頭鷹、班馬等等，隻隻都勁可愛。
餐廳座位都好闊落，同埋設計真係有別於一般既酒店餐廳四四正正咁，反而有好多特式既設計，全店最搶眼係將個草地搬左上牆，再用好多木架做裝飾，另外最靚既有用大大小小既木塊砌成既樹，度度都見到心思。
我地叫完野食之後，店員就擺好餐具，見到個碟都靚到想拎番屋企用呀，叫左一個意粉《明太子蟹肉扁意粉》($148)，真係夠份量既意粉，堆滿左好多蟹肉係面頭，食落明太子落得好足份量，辣辣地好香口，仲好多芝士撈埋。
另一份叫左小食既《芝士焗黑松露薯條》($98)，就算係小係都好夠份量，面頭真係勁爆多黑松露，黎到已經聞到勁香，連埋芝士焗有少少拉絲，外邊既薯條好脆入面連埋黑松露就好香。
呢度既甜品名全部都好有玩味性，《薩拉熱窩上的檸檬》($128)，用上甜甜燒起既棉花糖，襯託住酸酸甜甜既檸檬雪芭，造型特別又有心思。
店名：慢理牆城
地址：油麻地砵蘭街28號M1酒店1樓
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE
歡迎合作或查詢:
Email: kjfoodlife@gmail.com
餐牌:
請按此登錄後留言。未成為會員? 立即註冊