[KJFOODLIFE 淺水灣] 超正!對住個海嘆午餐 辣辣喇沙椰香意粉

放假又好天緊係要去遠啲行下，最好就係有少少太陽又有少少涼風，行下海邊望下沙灘夕陽堅係夠寫意，最好緊係揀間餐廳吹下海風慢慢坐。


坐係入面望出去個景觀真係一流，見到個小公園仔之後再望出啲就係成個海景，放假個人輕鬆啲食下野飲下咖啡，坐成日睇埋日落都得。








因為餐廳係沙灘旁邊，裝飾設計等等都同城市店有啲唔同，成個餐廳都好有海洋風，有唔少既滑片佈置，仲有枱椅都掃上左熱帶風情既色彩。




一見到呢個意粉就覺得特別同必叫，《喇沙椰香鮮蝦意粉》($158)黎到熱辣辣出哂煙，喇沙湯汁勁多同好濃香，每條意粉都沾滿醬汁辣辣地加上椰香味好出，鮮蝦都彈牙連埋喇沙汁食更惹味。




輕量級就可以試下《牛油果雞胸肉多士配炒蛋白》($128)，用上健康既牛油果配上唔會鞋身既雞胸肉，加上滑溜既炒蛋白，做輕食的確唔錯。




源自伊斯坦堡咖啡《巧克力肉桂拿鐵》($58)，一飲就有滿滿既玉桂香味，加上巧克力既味道又幾夾，仲會配上一粒甜甜又煙韌既土耳其糖。


店名：The Coffee Academics
地址：淺水灣海灘道26-30號The Pulse 1樓108號舖
即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE

歡迎合作或查詢:
Email: kjfoodlife@gmail.com

餐牌: