我哋好快俾人拉⋯⋯ 精選

我哋好快俾人拉⋯⋯

本身呢，我哋呢個Blog係唔會講政治嘢嘅(最多都係笑下其他人嘅啫)⋯⋯

不過見琴日叱咤頒獎典禮入面黃偉文Wyman講嘅一席話⋯⋯


我頓時覺得自己好危險！
事關我哋成日攞啲公眾人物嘅相嚟Post，應該十篇文有九篇都中蕉㗎啦～
監獄真係洗定個蘿柚都得⋯⋯

不過我又諗，其實俾人拉又有乜好怕wor？

起碼都叫做知道個人喺邊丫麻～～
又有3餐供應，又有地方住，唔洗煩租樓買樓結婚生仔，都唔錯丫！

不過，無啦啦”被消失”就真係驚啲，仲要你喺大陸打返香港用普通話報平安⋯⋯

我普通話唔掂㗎麻，點講呀？？

嗱，都話唔講政治嘢，所以唔好以為我會講落去，政治呢啲嘢我真係識條鐵咩～

小弟本身唔會去研究政治，事關小弟覺得政治本身只係一場遊戲。

遊戲只要跟住規則玩就可以了，本身並不一定每件事情都對社會有益處⋯⋯

睇人玩遊戲，亦都要有旁觀者嘅心態。
旁觀者無論如何𪘲牙聳䚗，亦難以影響棋局。

所以呢，有啲嘢，洗乜咁認真⋯⋯？

人大咗，先發現細細個成日聽嘅一句廣告標語好真⋯⋯笑一笑

「笑一笑，世界更美妙」
唔係叫你做個離地中產喎，而係有啲嘢既然用大大力係改變唔到⋯

⋯不如試下細細力咁旁敲側擊，話唔定可以開拓到另一條新路呢～

(我寫得咁正面，應該唔會被消失啩？)