攝影師點先有得食飯？

利申：小弟並非攝影師

充其量只不過係工作上充當揸機嘅角色。

但係，作為一個非專業攝影師(業餘都未到嗰隻)，我深明攝影師真係冇得食飯呢個道理⋯⋯

好似上幾個星期，我地 Korgears 4子去左科學園擺攤位⋯

⋯小弟就全日揸住7、8年前買嗰部單反：
Nikon D90

呢度拍下，嗰度拍下⋯⋯

縱使小弟冇受過專業攝影師訓練，但係見到啲小朋友咁專注咁玩，我都不由自主咁好專注咁影，希望捕捉到一兩張佢地玩到入晒神咁嘅相。


其實咁拍下拍下，就由朝早11點拍到夜晚8點，中間真係飯都冇得食，水都冇一滴⋯⋯

當然，並唔係完全冇時間食啦，而係你永遠唔知道喺你食飯嗰段時間，會唔會有啲Magical Moment錯過咗。

我相信，任何對自己有要求嘅攝影師都會係咁！

唔知係咪咁，所以啲人真係以為香港攝影師係唔洗食飯呢？

尤其是拍片，一拍真係收唔到科⋯⋯

為咗要完成一個shot，真係要捕住喺個位度，咁樣一拍，又幾個鐘㗎啦！


仲要又踎、又擒、又瞓地咁影⋯⋯

為咗攞靚個角度，嗰一刻係真係唔覺攰唔覺餓嘅，但係一完咗嗰刻，啲攰同餓就出晒嚟㗎啦！


所以大家真係要專重專業攝影師，你俾得嗰個價錢，人地真係交足120%貨(當然唔計啲呃飯食嘅害群之馬啦)⋯⋯
希望有啲人唔好成日貪小便宜，左搲右搲⋯⋯

一句到尾，大家都係搵餐飯食啫！

P.S. 如果大家對上面片段中嘅益智玩具EQB，同埋紙品有興趣，可以喺下面條Link了解詳情。

<<益智玩具EQB>>

<<韓國紙品小家具>>