緣份。相惜。

Korean Gears For Life 於 26/12/2015 發表 收藏文章
緣份。相惜。


最近有幸同一位Professor食飯,我叫佢「乳酪仔」。

乳酪仔係我大學生涯遇到嘅第一位教授。

這是緣份⋯⋯

相識也是緣份閒談中,佢講到佢曾經有一位好朋友叫「果皮」。

佢地曾經好Friend,上堂一齊坐,落堂一齊溫書⋯⋯

「但唔知點解讀到研究院嘅時候,佢好似變咗另一個人咁。佢開始對我不瞅不睬,後來我地亦無再傾偈。」

“嚴重似情侶講分手”

「或者可能因為係…有時啲同學問我識唔識佢,我就話:『果皮?識呀!你去問下佢。傳下傳下,就變左我唔鍾意佢掛……』」

佢低頭繼續食佢既薯蓉,語氣帶點失落、失望,但更多嘅⋯⋯係無奈。

我成日覺得,相識也是緣份,包括「嗰啲人」(詳情請見上兩個post)。

有啲人你一世都唔會遇到,有啲人你一遇到,一記就係五年、十年、甚至一世。

一開始遇到嘅係家人,後來係同學、老師、朋友、情人、同事、老闆。

“能夠相遇,好奇妙;能夠相識,好難得;能夠相知,更係萬中無一”

但偏偏感情⋯⋯ 好化學、好脆弱。

有幾多曾經親密如家人的朋友,好似果皮咁,突然無聲無色,消失於你嘅世界?

又有幾多曾共你經歷風雨嘅情人,因為一點小事,而從此同你走上分叉路

那時候明明很要好,彼此交心談心,如今卻已形同陌路。

而有時令人最無奈嘅,係個種對挽回感情有心無力嘅感覺。

為何舊知己在最後 變不到老友?


緣份讓我們相遇相識甚至相知相愛,卻為何不能讓我們相惜?

致—— 妳們、你們、和你:

「我好珍惜你哋嫁,柒頭!千其唔好變果皮」!
標籤: 相識也是緣份  緣份  

留言


請按此登錄後留言。未成為會員? 立即註冊
    快捷鍵:←
    快捷鍵:→