[遇見]

K歌說故事 於 02/12/2015 發表 收藏文章
希望看著這空間的妳, 聽著歌曲, 一起感受。


-----------------------------------------------------------------------------------------------------------
我叫Amy, 一個平凡既女仔, 每天要由屯門坐巴士到中環再轉地鐵到銅鑼灣返工, 任職化妝品SALES, 每天的生活都很平凡, 起身, 坐車, 返工, 放工, 同朋友食飯, 坐車, 返屋企, 休息, 再起身…………….
我曾經拍了2次拖, 最後都是分手了, 可能是因了解而分開吧, 現在沒有拍拖, 但有2-3個追求者, 不過全不是我杯茶, 只能做朋友…………..
其實我尋找對象的要求好簡單, 就是要明白我, 願意用時間陪我就夠………………….

我上班時間是11點, 大約每天於10點半左右到達灣仔地鐵站, 由於上班地點其實於灣仔與銅鑼灣中間, 如果時間許可, 下車後, 慢慢步行回公司, 如果不夠時間, 可能便要於中環轉坐的士了…………^_^

很多時, 我於灣仔地鐵站, 都看到一位男孩, 身穿西裝, 正正經經的, 拿著公事包, 一杯咖啡, 我上地面, 他下車站, 接近每天沒有公式的約定, 其實我們全不認識, 但感覺很親切。
-----------------------------------------------------------------------------------------------------------
我叫家俊, 一個平凡既男仔, 每天由柴灣坐地鐵到灣仔返工, 任職保險從業員, 每天約9點回公司後, 基本上都要出外見客, 見客, 再見客。
我的生活很簡單, 自己一個住, 每天放工後會回家, 可能是每天都要見客吧, 放工後便喜歡獨自一個, 假日喜歡去跑步。
我沒有拍拖, 也沒有對象, 因為遇不到合適的目標, 不強求的性格, 便隨緣吧……………….
其實我對伴侶的要求很簡單, 就是想一起的時候, 能好好享受2個人的空間便夠……………

由於接近每天都要見客, 每天約10點左右便離開公司, 去買杯咖啡, 提神一下吧, 之後便要去見客, 我喜愛坐地鐵, 因為可以感受一下人來人往既感覺及唔會塞車吧。
經常地, 我到車站時, 都會看到一位女孩, 外表漂亮的, 化了點妝, 不算濃妝, 我不喜歡的, 看上去感覺很舒服, 但我只會偶爾望望她, 都只是擦身而過的過客吧……………
-----------------------------------------------------------------------------------------------------------


這個星期五, 忘記了哪個月了, 反正就是黑色星期五的13號了, 時間約10點, 在修頓旁與灣仔地鐵站的一條小路, 有一名年約5-6歲的小妹妹在哭, 不停, 不停地哭, 可能是不見了家人吧……………很無助的時候,
一名女生看到, 過去問小妹妹:
女生: 小妹妹, 妳做咩事喊呀?
小妹妹 ( 哭著說 ): 我唔見左媽媽, 我唔知道點算……….
女生: 唔好喊喇, 姐姐 ( 自己偷笑一下 )帶妳搵警察叔叔再搵媽媽吧, 好嗎?
小妹妹 ( 沒有停下的哭聲 ): 好呀, 唔該姐姐!
她們在找, 但都找不到有警察叔叔, 路過的旁人卻繼續如旁人般路過, 這個時候, 女生也變得有點無助, 因為小妹妹由冷靜下來, 哭聲隨時間的過去又再慢慢放大了。
這個時候, 有名男生, 拿著咖啡, 手持公事包問著, 望著一名女生與一名小妹妹的背影, 好像很無助一樣…….
男生: 我有無野可以幫妳地?
女生: 呢個小妹妹唔見左媽媽, 依家我想搵警察, 但搵唔到, 我有d趕時間要返工, 所以唔知點好………
男生: 不如咁啦, 我帶小妹妹去搵警察, 妳返工就可以了
之後彎著腰跟小妹妹說道: 小妹妹, 叔叔帶妳去搵警察叔叔之後搵媽媽, 好嗎?
小妹妹哭著點點頭。
女生: 咁真係唔該你喇, 但我想知道小妹妹之後點, 不如我留我電話俾你, 你之後話我知, 可以嗎?
男生: 好的, 無問題, 我叫家俊
女生: 我叫Amy


喜歡此空間的同時, 也對FACEBOOK專頁讚好, 謝謝支持!
https://www.facebook.com/K%E6%AD%8C%E8%AA%AA%E6%95%85%E4%BA%8B-1658686584406782/?ref=hl

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→