X

古惑的IG限時動態

Charis Hung-Life 於 04/12/2018 發表 收藏文章

發覺很多朋友都在玩IG的限時動態,我忍不住問:
「其實IG個限時動態到底有咩咁吸引?」
「有啲嘢你想同人分享,但又覺得未重要到需要留低,咁就可以用限時動態。」
這是我多數會聽到的答案,亦是最令我感到黑人問號的答案。
即是你正在和我分享一樣連你自己也認為它沒有成為一個永久status資格的東西?
那麼到底它有幾值得分享?
抑或在不知不覺間原來大家對發status的標準修訂得嚴謹了而我不知道?

「網絡世界咁危險,費事留低記錄第時俾人起底啦。」
遠至GEM在學生時代曾於Xanga批評藝人被挑出來報導,近至外國有位9歲女童於網上炫富,直接或間接令母親失去工作……
網絡的確很危險,很多公關災難往往也自網上而起。
但聽到這樣的答案我下意識還是忍不住皺眉:咁細膽不如你唔好玩social media啦。
又要威又要戴頭盔?
而且不留底之說也令人存疑,這個世界CAP圖之徒處處,有心裝你的人永遠都比你更細心。
若要人不知,唔好太低B。
怕日後被人起底影響自己,不如還是好好behave yourself,講話時經大腦更好。

因而我一直沒有玩IG的限時動態,也很少click進去看別人的限時動態。
直至這次和中同去台中之旅,忽然了解到這個限時動態的魅力。

「IG限時動態出咗,你會見到邊個睇過你個post。」
「我知呀,所以我好少睇,萬一佢發覺我有睇咁咪好尷尬?!」
這緣於Whatsapp剛出動態時,上司很喜歡出post,有時不小心click到,我都會想他會否以為我對他的生活很感興趣?!
一想到這裡我就覺得很尷尬。
普通status只要我沒有興趣就可以略過,有趣想回應的才留下痕跡交流,現在這樣反叫我不知如何是好。

「吓,唔會㗎喎,唔會得你一個睇㗎嘛。而且動態入面可以direct message,你留個表情或者一兩句都唔會覺得好odd。有啲好耐無聯絡嘅朋友可能會因為咁傾番計。同普通status唔同,呢種傾計係private,唔會公開俾所有人睇到,搞到好似小組討論咁,感覺好唔同㗎。」
「大家都會咁㗎?留message唔會好odd?」
「唔會㗎,呢個係大家嘅practice。」
自此我才放下認真mode,原來大家都是很casual地在玩這項新功能(其實已經不新)。

不過寫到這裡,我自然發覺奇怪的是我。
Social media,而且是IG,當然以輕鬆為主,太serious的人才奇怪吧。
回港後,我也出了第一個IG限時動態,還真的會有久疏聯繫的朋友再甫頭。
IG限時動態果然古惑,主動製造被動機會讓人與自己對話。

嗯……很不錯啊。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→