拖手擁抱錫埋都未必係鍾意你㗎 推薦

眼前這位男讀者我們在網上已聊了一段日子，所以這次雖然是第一次見面，也沒有覺得很尷尬（是沒有吧？笑），而是有種，呀，原來你長這樣子的感覺，把網絡上和現實中的他併合在一起。
現年27歲的他笑說自己算是A0，我問：「點解係算？點解A0？」

他先解釋中學時雖然就讀男女校，但當時有很多女性朋友，並不特別覺得需要談戀愛，不過我聽得出核心原因該是他心裡住了個女神般存在的女同學（我有看照片，身為女生的我都覺得很漂亮）。他一直放不下對她的感情。後來上到大學，終於打算重新開始，偏偏讀的科目是工程：「即係好似入咗少林寺噉。」一晃眼數年過去，直至工作兩年多後，在一次興趣班上才遇到想要談戀愛的人。

「其實嗰個女仔都唔係話好靚（對比他的女神確實平庸），我當時冇諗太多。因為同我一齊上堂嘅仲有另外兩個同事，一個好靚仔，一個就好大隻，我自己就最唔起眼，所以我諗都冇諗過佢會對我有興趣。」不過命運就是如此神奇，無心插柳才會柳成蔭。某天上堂時他看見那個女生在抽泣，於是私底下whatspp關心：「其實佢都冇話我聽發生咩事，不過我哋就開始有傾偈。」就這樣，他們後來還約了去看戲。
「睇戲嗰日，佢喺我背後跳起雙手拍我膊頭，問我有冇嚇親，成件事好青春，我諗係由嗰時開始我對佢有好感。」感情逐漸升溫，相處也開心，於是三個月後他鼓起勇氣表白，女生卻對他說太快了，她還未預備好，於是他們繼續做朋友。

「個女仔係好勤力嘅人，佢半工讀緊，我睇過佢schedule，真係超full。所以佢好少覆我message，我都可以理解。但係佢一得閒時就會覆我，有次佢病咗，之後好啲時覆返我，仲話我係佢第一個覆嘅人。」我承認自己很衰，當時心裡一直在想：「真唔真呀？」但後來我有聽到一件事，真的非常替他高興，也希望廣大的男女孩子仿效。

「我哋中間有幾個月唔係太常聯絡，而呢段期間我有想令自己變得更好嘅諗法，因為我覺得自己配唔起佢。我開始學點gel頭，學襯衫，做運動，我以前肥仔嚟，我由76kg減到64kg。」我覺得，誠意這件事真的不能只從口頭出發，要有行動，他就很不錯。喜歡一個人，欣賞一個人，會希望自己也進步，拉近彼此間的距離。他不止有想法，也努力去做，得到了一個更好的自己，可喜可賀，令人鼓舞！
後來他們再見面，這次關係比起從前親密許多。

「我哋影相時會面貼面，又會攬腰。出街會撓手，睇戲會搭膊頭。最記得有次喺荃灣路德圍，我買咗兩杯珍珠奶茶，佢買咗碗豆腐花，我冇手拎，然後佢竟然餵我，我哋一人一啖噉食。」哇，真的超Sweet。

我本來有在想他是否獨自暈船，但都到了這地步，一般女生對對方沒好感不會這樣做吧？

「噉應該爭告白就OK喇喎。」

他說他也這樣想，所以在聖誕節時決定再次挑戰，沒想到吃飯時女生卻告訴他：「我有新男朋友了，一陣食完飯佢會嚟接我。」

？？？
我整個哭笑不得，現在是發生了甚麼事？

他就慘了，這件事可說成為他我陰影：「從此以後啲人成日講咩女仔有咩行為就係畀緊signal你，我都唔會信。」

過了一會他再說：「真係未必真㗎。」

我只好安慰他：「都唔係嘅，係呢個女仔比較特別……」不過他初出情場就遇到這樣的人，真的實屬不幸。

正當我以為事情告一段落，沒想到還未完。

「後來過咗幾個月，個女仔又搵返我。當時我啱啱辭職，多咗時間，於是又陪下佢。嗰時都見得密，一個星期見三日，我哋會一齊跑步，傾下偈噉。佢都有傾傾下挨埋嚟，我哋仲kiss過。今次佢好似真係認真想同我一齊，但我後來愈同佢相處，就發覺愈唔想同佢拍拖，之後就冇再見佢了。可能呢啲就係Timing問題，諗返都幾唏噓，我為佢改變咗好多嘢。」
他笑問自己的故事是不是很無聊，因為之前看我寫的人他們的故事都好複雜，也很沉重。我說不會呀，每個故事都有其意義，有值得被聆聽的點。

和他傾談，至少讓我知道原來這個世界還有這樣的女生。那個女生長得一臉樸素，一點也不像是會管理漁場的人，看來人不可貌相這句話還是有其道理。

到底要如何避開這些人？好像也沒有辦法，只能發現時止蝕離開吧，畢竟愛情就是一場賭博的冒險，你不可能穩贏，但不付出，又永遠不會有收獲。還是不要計較太多，能對一個人動心對成年人來說也是難能可貴的事吧。但發現不對勁，還是要速逃喇。自我傷害是世上最愚蠢的事。