森林的心理測驗

Charis Hung-Life 於 12/12/2022 發表 收藏文章

Cafe 中 Roommate 突然說起當社工的某個朋友曾和她玩過的一個心理測驗。
(大家也可以跟著玩啊,蠻有意思的。但打這篇文前我上網再搜尋了,發覺有很多版本,各自存在著微微的差異,不過從來心理測驗都只是作為參考的存在,也不必太過認真。就當是別人對你這個人的看法,你想想說得像不像你就好了。)

「我問你啲問題,你照實答就OK。而家你要進入一個森林,你會揀一隻咩動物陪你?」
我微笑望著她。
「你可以開始㗎喇。」
「吓?!唔係選擇題?」我還在等她的選項呢。

實不相瞞,其實我以前是個心理測驗控(其實現在也是,對於人的潛意識或神秘的東西我都特別有興趣,只是很多坊間流行的那些太假,我才失卻了興趣),還以為是我以前玩過的,原來不是。

「全部開放式題目嚟,你盡量形容得有幾仔細就有幾仔細。」
「噉要唔要寫低,我驚一陣唔記得答案。」(有人和我一樣,有「冇記性恐慌症」嗎?)
「唔使,我會幫你一齊記。」

「嗯……我可唔可以揀獨角獸?使唔使一定要現實存在?」
她露出一個饒有趣味的笑容:「咩都得,隨便你。」

於是我閉眼,想像一下站在森林的入口前,我看見身旁有一隻獨角獸。
「我會揀獨角獸,佢全身都係白色,但隻角係彩色嘅。」
Roommate笑著問:「係咪識轉,仲bling bling嗰種。使唔使識飛?」
我也笑:「冇錯冇錯!佢好特別!不過唔使識飛。佢好溫柔,會成日微笑望住我,陪我一齊行一齊傾偈,攰嘅時候我可以依靠佢。」

「噉你行入森林,第一隻見到嘅動物係咩,佢又係點?」
「嗯……我哋會見到貓頭鷹。佢有好深嘅目光,好似智者噉。見到佢嘅時候佢係好安靜噉企喺樹上面,冇講嘢,不過你知道佢好有智慧。」

Roommate又笑,然後再問:「你繼續行,前面有一抽鎖匙,你覺得有幾多條?」
「三條。」

「好,你再行多一陣,見到有間屋,呢間屋有冇窗?如果有,係點嘅窗?」
我在腦海搜索了一會,搖頭說:「冇。」
Roommate帶點猶疑地說:「一隻都冇?」
腦海裡浮現的是一間小木屋,只有門沒有窗,是在腦海中想著都覺得有點奇怪的狀態,不過真的看不見窗。

「OK,噉你行入去,入面有幾多張櫈?」
我在三和四之間猶疑著,最後還是說:「三張。」

「枱面有杯水,你覺得有幾滿?」
「一半度。」

「屋入面有個老人家,你覺得佢係點?」
「嗯……佢係個有地中海嘅老男人。」
Roommate大笑,我沒有理會她,徑自說下去:「呢個老人家有地中海,唔係太鍾意笑,好似有啲惡,但其實心地非常好。係個會為人著想嘅人,即係面惡心善啲friend。」

「你而家行返出門外,你覺得出面係日頭定夜晚?」
「嗯……我覺得係黃昏。」好像真的看到了美美的日落。

「繼續行嘅時候,你遇到一個漁夫,佢請你食魚,你食唔食?」
「食!」

「佢話可以用船送你離開呢個森林返屋企,你上唔上?」
「上!」

「好,最後一條,如果你再去呢個森林,你會揀返同一隻動物定係新嘅動物?」
「同一隻!」

問題到就這裡,你也想好答案了嗎?
想好了我們就來一起看看分析吧!

「一開始揀咩動物陪你,係代表你想另一半係個點嘅人。」
「噉我揀獨角獸……係咪即係代表我都知呢個人唔存在喺現實,不過好彩我都冇過份到要求佢識飛天遁地。」
「我嗰時揀兔仔。」
我想像一下,真的從沒想過選擇兔仔,太細隻了吧,完全無法陪伴我。我倒是想過總是快樂吱吱喳喳的鳥兒,有甚麼事牠至少能飛走保護自己和找救兵之類,或是能飛到好遠幫我察看情況的英偉雄鷹也很不錯。不過最後我還是鍾情特別的獨角獸!
「我揀兔仔係覺得佢唔會傷害我。」想起Roommate的經歷……呀,心理測驗果然是深不可測!

「之後你見到嘅動物其實係你自己。」
「噢,睇嚟我好有智慧!」不過後來想想,其實Roommate所說的應是我在自己心目中的形象,所以我是自覺懶有智慧而已。
「我嗰時係見到隻雀仔,仲要係噉飛嗰種。」社工朋友說她果然是個不喜歡受困,鍾情自由的人。
「鎖匙代表你有幾多個好朋友。」
「咦,都幾準喎。」

「間屋有冇窗代表你嘅藝術細胞或者創意之類。」
「噉我咪零…..不過我真係冇乜創意……」我還以為窗是代表你有幾願意開放自己心靈之類呢,原來是思維方面的東西呀。不過我個人確實比較少異想天開的想法,我是個務實又很多框框的人。要是我回到古代當文人,大概適合做史官,我覺得自己能把發生過的事情不脫離事實地寫得很好看。
「你寫嘢叻就OK啦!」
「噉你間屋有幾多隻窗?」
「有幾隻,我仲話上面係圓下面係方,仲有窗花。」哇,原來還有這樣的玩法,你給我再多時間,我腦海也不會出現上圓下方的窗子,倒是看見可能會喜歡,但我絕不能憑空想像出來,不過我很怕悶,要是有人從旁刺激一下,也不是沒有機會併發出特別的小火花,只是靠我自己就肯定不行了。

「櫈係代表你第時組織家庭想屋企有幾多個人。」
老實說,我腦海中曾出現過一張櫈一閃而過的畫面,幸好它閃走了。我不想孤獨終老呀呀呀呀。

「杯水代表你對一啲慾望嘅程度,包括生活同性,我嗰時都係揀咗半杯。」
「噉係愈滿就愈滿足,定愈空就愈OK?」
「我諗下先……好似係水係你慾望嘅程度,所以愈滿代表你愈慾求不滿,嗰種渴望已經滿瀉。」

「屋入面個老人家代表將來老咗嘅你,所以我聽到你話地中海,仲強調咗兩次,真係忍唔住笑咗。」
我雙手抓頭,不是吧……我的頭髮可是相當濃密的呀……
Roommate還在笑著:「不過你唔使擔心,性格比較重要……我嗰時係遇到個好慈祥嘅老伯。」
「其實我都有諗過係遇到個噉嘅人,不過最後出現嘅始終係個板起塊面但心腸軟嘅地中海阿伯。」

「門外係天黑定日頭就代表你心底裡係一個陽光定黑暗嘅人。」
黃昏也頗符合我呢。

「至於食唔食魚,就代表你有幾願意相信陌生人。上唔上船就係你有幾敢冒險。」我只是在想走了一天應該會很餓很累,也該吃東西了,而有人送回家不是很方便嗎。不過要是發生在現實生活裡,當然大家也不要隨便跟陌生人走啊!

「最後會唔會揀同一隻動物就代表你專唔專一,定係鍾意新嘅人。我嗰時都係揀返同一隻。」
對呀,已經同行過的人,能再一次同行,大家的經歷和回憶又再增加,不是很棒嗎!

不知道你的答案是甚麼,又有沒有甚麼地方觸動了你?歡迎留言分享啊。

(寫於Patreon 21/05/2021)

留言


請按此登錄後留言。未成為會員? 立即註冊
    快捷鍵:←
    快捷鍵:→