男人的浪漫之世界盃篇 精選

她睜着疑惑的大眼睛，一臉純真地問：「係咪想要對方對你好，首先要對咗佢好先？」雪詠搖搖頭：「呢個世界唔係你對人好，人哋就會對你好。你要學識嘅係，珍惜會愛錫你嘅人，離棄會糟蹋你嘅人。愛係一件自然嘅事，唔存在先後，亦唔存在交換。」

________

踏進門內，世界盃的氣氛撲面而來，除了因為那部65 吋的特大電視機正在播放球賽以外，更因為屋內的佈置：牆上張貼了World Cup Party的橫額，旁邊還粘了足球和Goal等字樣的氣球，桌上放滿了一罐罐冰凍的啤酒和誘人的小食，那些杯盤碗碟餐具通通印着2022世界盃的圖案，明顯是為此而設。

來訪者不禁吹起口哨：「哇，強哥，乜咁有心機呀？」強哥帶點靦腆地回答：「我老婆預備㗎。」
有人問：「阿嫂呢？」
強哥：「佢話今晚留畀我哋麻甩佬相聚，佢去姊妹度瞓一晚。」
眾人立時起哄：「哇！阿嫂萬歲！」、「娶到個噉嘅老婆真係三生有幸！」、「咁識做嘅女人去邊度搵？」
強哥一向害羞，此時也露出了點點得意的神情。老婆這夜確讓他賺足了面子，也讓他感到窩心，深感她的體貼。

男人在女人面前，總是有所不同的，可能會較拘謹、收斂，甚至有些人會想表現得好一點，反倒使自己不夠自在，但全是同性便不會有這樣的煩惱，最重要的是，不會有人在旁問：「咩係越位？」。

這夜他們為了入球一同歡呼，為了龍門成功救場(門將成功撲救)一同激動，為了足球撞柱(射門中柱彈出)而一同「哎呀！」，配以啤酒及小食助興，非常痛快。這群男人通通都超過了三十五歲，此時卻每每激動得像個小孩，又笑又叫，完場時幾乎人人都聲沙了一大半，他們有的已累倒在沙發睡了，有些則直接躺在地上。但臉上無一不是滿足愜意的表情。
有時候男人的渴求就這樣簡單，和兄弟朋友吹水睇波，閒時講一兩句冷笑話/咸濕笑話，便足以慰藉枯燥的生活。這是，男人的浪漫。

________

另一邊廂，雪詠正與中學就相識的幾位姊妹淘相聚。

吃過晚餐後，主人家預備了許多精緻的甜品招待。都說女人有另一個胃用來消化甜品，果然所言非虛。
「雪詠你真係廿四孝老婆，幫強哥準備咁多嘢。」友人剛好看到強哥的IG story，展示了誠意十足的世界盃裝飾。
「噉佢都對我好好嘅，你知㗎。」
「呢樣又真呀，結婚都成六年，仲會見到佢嚟接你收工。我屋企嗰隻嘢，唔打嚟叫我幫佢買啤酒都偷笑。」
「點先可以令對方對自己咁好？係咪想要對方對你好，首先要對咗佢好先？」這夜主人家廿歲出頭的姪女剛好在場，睜着大眼睛問。
雪詠搖搖頭：「呢個世界唔係你對人好，人哋就會對你好。你要學識嘅係，珍惜會愛錫你嘅人，離棄會糟蹋你嘅人。愛係一件自然嘅事，唔存在先後，亦唔存在交換。」
姪女似懂非懂地點頭。
「不過你呢個年紀都諗唔到太多㗎喇，盡情去愛盡情享受啦，年輕就係任性，青春就係要嚟浪費，哈哈。」

女人無論甚麼年紀，聚在一起總喜歡講愛情，講男人。

姪女又問：「你唔驚畀太多空間另一半，佢哋會出去搞搞震咩？」
這時曾經歷過被出軌的友人回答：「傻妹嚟嘅，會出軌嘅男人就係會出軌，發現佢出軌咪next，何必搞到自己神經衰弱下下check住晒？」「但我啲朋友話增加佢哋嘅麻煩，令佢哋出軌成本增加，佢哋就會安份啲。」
「噉佢唔出軌係因為煩唔係因為愛你喎，呢啲男人你真係要？」
「噉點分佢係因為怕煩定因為愛我先安分守己？」
「使咩分，總之你發現佢出軌就走啦。」
「下？！如果我好鍾意佢呢？」
「噉呀，睇下你承擔到幾多同對方有冇誠意囉。但要維持一段有裂痕嘅關係，唔容易㗎！」
姪女沉思：「我都係寧願睇緊啲另一半好了。」
「噉呀……噉你就享受唔到呢啲ladies night喇喎。」

人一天只有廿四小時，給予了對方空間，其實也同時是等於給予了自己。
臨睡前姪女拉拉雪詠的衣袖：「我想問下呢，如果我都想氹男朋友，想整呢啲世界盃擺設……係咪好麻煩要好花心機㗎？」
雪詠狡黠一笑：「我send個網畀你啦，有套餐買，而家唔使下下都親力親為㗎喇。」

________

雪詠回到家裡時，強哥早已把地方收拾妥當。
強哥就這樣，從來不會把雪詠的好當作理所當然，她能讓他擁有男人的浪漫，他也會給她女人該受到的寵愛。

________

世界盃睇波派對及鍍鋁氣球套裝專門店

落單➡https://partydroid.com/product/pd0700/睇咗開箱片先➡https://youtu.be/ch5MbL4pTWo