請你請你不要再貶低自己,因為抬高你我好累啊

Charis Hung-Life 於 01/08/2017 發表 收藏文章

有一種人,慣性貶低自己。
三句唔埋兩句便說:
「唔係呀,我都唔係好叻啫。」
「邊係呢,我唔係好識野架咋。」
「我都唔靚」
「我唱歌/寫作/分析/待人接物好弱」

如果你好勁,我還會有少少興致和你爭拗,讚多你一兩次。(但重覆太多次我會想幾時先完呀?)
最怕是你真的好渣,你想我怎麼回應呢?

1 係呀,你真係唔叻。
2 唔係呀,你都ok呀。

坦白說,作為一個正常的社交人士,我們總會一再選擇回應(2)。
但有時講完,我都會怯一怯以及覺得自己嘔心。
頂。好虛偽呀。
講一次還好,但有很多人卻會和你一再爭辯。
於是形成以下這種奇怪又令人不舒服的循環。

「我真係好廢。」
「唔係呀,你都有你嘅優點。例如……」
「唔係喎,我真係覺得自己好無用。」
「你唔好咁講啦。你喺幾時幾時都好正呀。」
「係咩?但我真係覺得自己唔掂。」

・・・・・・

很久以後,我終於想到一種方式終結這種循環。
「你唔好諗住踩低自己我會讚你多啲呀。我唔會中計架!」
(係,如果我同你講過,我唔一定係覺得你煩,但絕對係一個signal話你知,我讚你讚到有啲攰喇,停喇好嘛。)

生命中,我遇過很多很叻很靚的人。
我毫不吝嗇讚美這些人。
因為我真心覺得They deserve it。
但太多人有太多過多的「謙卑」,以致令人煩厭。
究竟你要我讚你幾多次你先願意收貨?!
其實大方講句謝謝很難為你嗎。

同樣,我也遇過真心醜樣好蠢的人。
其實不緊要。
因為你醜但可以很溫柔,你蠢但可以很善良。
每個人都有自己的優勝之處。
只是醜和蠢是事實(不過努力嘅話應該可以改善),
請不要借助貶低自己以換取別人「不好意思」的安慰。
何必叫人為難,又何必自取其辱?

獻醜不如藏拙,我總是對自己這樣說。
還有,要謹記「面係人地俾,架係自己丟嘅」。


標籤: mean語錄  

留言


請按此登錄後留言。未成為會員? 立即註冊
    快捷鍵:←
    快捷鍵:→