拯救自己，就是拯救他人。 精選 推薦

某日和一位親近的姨姨吃飯。
「點呀，你媽咪慣唔慣你搬出嚟？」
我想一想，然後笑說：「佢把口可能講唔慣，但其實我覺得佢舒服咗好多。應該係開心嘅。」
「咁得意？無打俾你？」
「有呀，每日一至兩次咁。咁屋企少咗個人空間大啲，又唔使照顧我，我都好麻煩㗎，有好多要求。又會同佢嘈，所以少咗我佢應該過得更自在。」
我再想了想：「嗯……以前媽咪耐唔耐就會病發，搞到成家都好辛苦。我搬咗出去之後，好似只係有過一次，同唔係維持咗好耐。」
「咁聽落可能其實你都係媽咪壓力嘅來源喎。」

我還真的沒有這樣想過。
「可能喺你覺得佢做得唔好嘅同時，佢都會覺得自己做得唔好但又無辦法改善，從而俾咗壓力自己。而家你哋分開遠咗，磨擦少咗，可能對你哋兩個都係好。」

我真的真的真的沒有這樣想過。

如果這是事實，我也會有點傷心，應該沒有人當知道自己就是造成身邊所愛之人傷害的原兇而不覺得疼痛吧，這亦是我不敢讓母親知道我感受的最大原因。

不過這個推論相當合理。
你如果難受的話，不要妄想和你親近的人會好過。
就算你沒有明言，就算對方再遲鈍，就算雙方都理不清到底發生甚麼事，可是情感這個東西，總會在空氣中不斷發酵，到最後你連呼吸都覺得難過。
搬出來以後，我覺得自己擁有了第二人生。
會不會母親其實也一樣？
如果是真的，那實在非常美好。
我們終於不再窒息，可以好好呼吸，也鬆一鬆崩緊的手腳。

一直以來，我都覺得自己有點像拋棄了原生家庭。
我發誓，我搬出來真的只是為了自己，我只是想要活命，可是到最後，我發覺我鬆了枷鎖的同時，或許也鬆了母親的重擔。

果然，人呀，先顧好了自己，回頭再思考其他准沒錯。
自己也一團糟的話，或許只會令事情愈變愈差而已。
狀態不好的時候不要妄想可以扭轉世界。也許，先拼湊好碎裂的自己，在過程中慢慢地，慢慢地改變就開始了。