但願有人聆聽我們的黑暗

Charis Hung-Life 於 20/09/2022 發表 收藏文章

那是一個關於自己曾成為第三者的故事。
很長很長。
他講完後,深深地舒了一口氣。

「今次係我第一次講哂成個故事。」
我瞪大眼睛,有點不可置信。
「咁多年,你都冇同人講過?」
他歪一歪頭,想了一會。
「可能曾經好片段噉講過,但我從來冇完整噉同人分享。」
我露出不解的神情。
他有點不好意思地笑起來:「可能因為都唔係啲咩見得光嘅嘢。」
我只好點點頭,悄悄地說:「但咁多年……」

一定很辛苦吧。
放在心中,無人能與自己分擔那份疼痛與沉重。
他突然想起:「呀,其實都試過同一個女仔分享咗少少,不過畀佢鬧到狗血淋頭,話我做人第三者,好差之類。」
「你朋友?」
「而家唔係喇。」他頓一頓:「好耐冇聯絡了。」

我想起曾經訪問過一位催眠治療師,他語重心長地說:「社會上好多慘嘅事其實都可以避免,但就係因為有時啲人連自己都面對唔到自己,覺得啲嘢唔見得光,將情緒收得好埋,連自己都原諒唔到自己,最終爆煲,釀成無法挽回嘅悲劇。所以我從來都唔judge我啲client,我唔係話佢哋啱或者我哋要認同佢哋,而係好多時佢哋只係需要一對耳仔,需要同人傾訴,需要有力量支持佢哋行返出嚟,可惜我哋個社會有時太harsh……」
因此無論朋友和我講再荒謬的事情,我總會聽。
我不太責罵,畢竟也不是小孩了,是非對錯曲直道德之類,根本每個人心裡清楚。
存在於世界的無形枷鎖也會給予審判,並不需要我多參一腳。
我有我的界線,要是對方真心想要詢問我的意見,我不會為了照顧他而講些好聽的說話,我會如實講述自己的看法,必要時再難聽的話我也講得出口。
可是若果對方不過需要一個抒發的出口,我會靜靜聆聽,直至我受不住(不應該是對方覺得夠為止嗎?不呀,畢竟我要先照顧好自己,才能照顧別人呢),我會說我到極限了,下次再說吧。

我知道人一旦跌入泥沼,要爬起來總需要時間。
而有時候,時間未到就只能在混沌中等待。

每個人,都有機會跌入黑暗。
每一個待在黑暗中的人,都需要有一點點光。
看見了光才不會絕望,才會知道黑暗並不是全部。
我們永遠也擁有選擇。

慶幸我有能分享黑暗的朋友。
希望你也有啊。

留言


請按此登錄後留言。未成為會員? 立即註冊
    快捷鍵:←
    快捷鍵:→