【台北】古式古香高質江南料理"點水樓 SOGO復興店" 精選 推薦

📌大安區忠孝東路三段300號11樓SOGO店
📱0287725089 ⏰11:00 - 22:00
😋好味指數😋😋😋😋／5
自 2005 年品牌創立至今係台北、桃園、新竹等地已經開左 8 間分店，並且持會繼續向國際發展。唔知幾時會係香港開分店呢？古色古香嘅裝潢、精緻嘅江南美食配落地大玻璃窗，一邊品嚐美食一邊望熱鬧嘅街景。簡直係奢華享受～一入門口已經感受到濃濃古典氣氛，而廚房就用左透明玻璃窗設計，可以睇到點心師傅即叫即製嘅小籠包
紹興醉雞呢碟紹興醉雞用左雞脾肉，肉質唔會太韌仲好滑，帶有淡淡嘅酒香，冰凍雞皮有超Q彈嘅口感

東石鮮蚵煎蛋放滿來自嘉義東石嘅蚵仔，粒粒相當肥美，有蛋香又鮮味

酸辣湯份量相當大，配料豐富(黑木耳絲，豆腐，竹筍絲，蔥花同蛋)，個人認為可以再酸啲

上海菜飯味道都還可以，份量就少左啲，飯嘅口感有啲濕

小籠包外皮夠薄，肉餡鮮甜，輕輕一咬源源不絕嘅肉汁大量流出，再沾薑絲同醋，多層次嘅風味真係非常好食!!

蝦仁燒賣燒賣皮都做得夠薄，咬落去有肉汁唔會太乾，肉汁就無小籠包咁多，但多左蝦仁嘅緊實口感

蔥油餅佢唔係一般係街常見蔥花同麵團混合再煎個隻，而係圓圓厚厚，澎湃嘅蔥花夾左麵團中間，餅皮煎得香脆，清脆多汁口感，香氣十足！夾起上黎要用啲力，因為好有份量啊呢個蔥油餅
煎櫻花蝦蘿蔔糕面層鋪滿櫻花蝦，外皮煎得焦香酥脆，內層保留蘿蔔糕嘅細軟，蘿蔔糕加左唔少料，食得出有火腿、蝦米同冬菇嘅香氣

蟹殻黃酥餅一層層嘅口感，入面有好多蔥花，皮酥香脆

整體嚟講，非常特別嘅古典餐廳環境，食物質素不錯，適合一家大細，唯一係價錢有少少貴

乾淨程度⭐️⭐️⭐️⭐️⭐️/5
服務態度⭐️⭐️⭐️⭐️/5
食物質素⭐️⭐️⭐️⭐️/5