【搵食☞九龍城】足料抵食泰菜┃深宵食堂 - 鴻陞泰國菜 精選

📌九龍城城南道6號
📱23821368⏰星期一至日18:00 - 06:00
好味指數🌕🌕🌕🌕🌗
係香港想食正宗泰國菜就一定要黎九龍城，出哂名又平又好食。由泰國人開嘅鴻陞泰國菜，位於九龍城城南道，雖然有兩間舖位相連，但晚市都會爆場。由員工至廚師全部都係泰國人，全部都識講廣東話，門面無特別裝潢，尚算環境整潔，燈火通明，去左九龍城一陣已經覺得即日來回曼谷。

泰式拼盤 炸皮蛋-外皮脆卜卜，釀入蝦滑好彈牙中間夾著流心皮蛋，口感層次豐富
炸春卷-又香又脆，配料豐富，唔太油膩，紅蘿蔔又爽口
炸蝦餅-外脆內軟夠哂彈牙又熱又好味
炸雞翼-熱辣辣，脆卜卜，做到生炸效果
點埋個泰式甜酸醬鮮甜味出哂黎

泰式生蝦刺身蝦肉夠厚，溫度超冰凍，再配泰式生蝦醬，鮮味再大大提升！

泰式生菜包入口個刻肉汁漏哂出嚟，生菜新鮮脆口，肉碎唔會嚡熠熠

泰式燒牛肉 牛肉切條狀，上到台時已經聞到好香炭燒味，火喉燒得岩岩好，唔會太熟，太乾，點埋秘制辣椒汁更加有泰式風味

泰式炒金邊粉夠哂足料，蝦米仔、韮菜、芽菜、豆腐乾，蛋絲,酸酸甜甜，好開胃

泰式炒椰菜苗保留翠綠色，炒得岩岩好，入口爽脆充滿蒜香帶有少少辣

龍眼冰有啲過甜，還可接受，有4粒龍眼肉做裝飾

芒果沙冰 足料芒果打成沙冰，超級幼滑，香濃芒果味，不會太甜，好似食緊芒果雪笆