【搵食☞全港】漢堡迷必睇| 嚴選5大CP值高港式芝士牛肉漢堡

岩岩就過左國際漢堡日，唔知你地係咪平時食開外國連鎖式漢堡包店呢？其實港式都有高質漢堡店架！今日就介紹5間平價港式芝士牛肉漢堡俾大家～
嘉寶漢堡 - 芝士牛堡 $36
嘉寶漢堡一向都好多人排隊，所以一直都無機會試。今日終於有喇！去之前可以用GULU拎定飛先，咁就可以唔洗等咁耐位喇！ 首先講下佢地既芝士牛堡，漢堡包皮有煎過亦有牛油香， 每個漢堡都即叫即做，望住店員煎個塊牛個陣真係流曬口水，漢堡扒食落好juicy，芝士半溶狀態，而且個汁同塊牛好夾，配埋D生菜一齊食無得彈。📌葵涌青山公路葵涌段499號嘉寶大廈地下A&B號舖
📱61258419⏰星期一至六12:00 – 21:00，星期日及公眾假期休息
😋好味指數😋😋😋😋😋／5

添福小食 - 芝士黑椒牛肉漢堡 $23
由細食到大嘅添福小食，最中意就緊係芝士黑椒牛肉漢堡喇！芝麻包夠軟熟，簡簡單單夾住漢堡扒同茄汁，無需要加生菜、番茄，就係傳統港式漢堡包。同樣即叫即做，送到你手熱辣辣，一啖咬落去，漢堡扒夠厚，好有牛肉味，芝士與漢堡扒溶為一體，牛肉帶有黑椒香再加埋茄汁，點會唔好食📌深水埗長沙灣道80-82號文海樓地下A1舖
📱90158006⏰星期二至日13:30 - 21:00，星期一休息
😋好味指數😋😋😋😋😋／5

時新漢堡飽 - 單層芝士漢堡 $23
時新係好多人香港人嘅回憶，曾經因家族糾紛及區內重建關係結業，以為就咁就會少左間港式漢堡，隔左半年佢地重開喇！呢度最出名嘅就係手打牛肉漢堡同埋自家製沙律醬。叫咗個單層芝士漢堡，肉質較為鬆軟，保留到肉汁，芝士凍冰冰，完全冇溶芝既效果，自家製沙律醬味道偏甜質感亦偏稠，都係中意漢堡包落茄汁多啲📌紅磡黃埔天地家居庭(第12期)地下G22-G23號舖
📱23872868⏰星期一至日10:00 - 20:30
😋好味指數😋😋😋／5

樂景快餐店 - 芝士漢堡蛋飽 $21
港島區一間價廉物美嘅港式快餐店，值得一讚嘅係, 出餐時間真係好快只要2分鐘就有得食。經典芝士漢堡蛋，裏面係流心荷包蛋，但食起上黎有啲麻煩，牛味十足嘅手打厚切牛肉好多汁，芝士略為凍左啲，可能係佢地特色喇！📌灣仔巴路士街17號地舖
📱257218438⏰星期一至六07:00 - 21:00
😋好味指數😋😋😋😋／5

味口福 - 手打牛肉漢堡配薯角連飲品$49
出名大件夾抵食，如果單買漢堡就$34，套餐好似比較抵食，漢堡可以追加其他配料又有四款自選醬汁俾你揀。先講漢堡，照舊牛肉漢堡加芝士，醬汁揀咗黑椒醬，麵包鋪滿芝麻，而且有烘過，所以幾香芝麻味、做到外脆內軟，芝士呈半溶狀態。手打牛肉都算大塊略為薄，薯角方面就有少少失色，炸得乾咗少少，但份量搭夠。整體水準唔錯，算係抵食之選📌筲箕灣南康街17號天悦筲箕灣廣場地下低層1樓2號舖
📱26680013⏰星期一至日12:00 - 22:00
😋好味指數😋😋😋😋／5