【搵食☞銅鑼灣】有氣氛靚景配美食

出走遊記 於 27/05/2020 發表 收藏文章
🍽PENTHOUSE


📌銅鑼灣登龍街1-29號金朝陽中心2期Midtown30樓
😋好味指數😋😋😋😋/5

今次搵食搵到銅鑼灣,平時你地搵食淨係識去燈籠街,希慎,times square 仲有皇室堡!其實銅記仲有好多隱世餐廳未俾人發掘架~今次介紹嘅"PENTHOUSE"係一座平平無奇經過都唔多覺嘅商業大廈入面頂層,環境有落地玻璃,有室內室外可以睇到維港景色。重點係超浪漫勁有氣氛係約埋一班“閨蜜”打卡呃LIKE好地方

我地叫左個二人餐,都算有得選擇同埋最緊要食岩我食麻。上菜前嘅麵包,焗得啱啱好,外脆內軟,點埋個黑醋香草醬即刻胃口大增

頭盤揀左呢到一定點嘅Penthouse Crab Cake!!!啖啖蟹肉,好有鮮味,外層微微煎香,點埋芒果沙沙同辣味蛋黃醬,味道更鮮幾特別!

另一個頭盤係Tuna Tartare,用左藍鰭呑拿配溫泉蛋再配埋塊好重牛油味嘅餅成個配搭好夾

突然想食生蠔就叫多半打是日生蠔,不過不失喇

之後就到Porcini Mushroom Bisque,勁熱勁香勁濃郁黑松露香味,入面仲有d 麵包碎同野菌粒

主菜方面有Lobster Risotto。龍蝦肉都非常爽脆,飯粒飽滿上色,乾硬適中,非常出色。

食到呢到都開始飽飽地,但唔好唔記得仲有另一個主菜+松露醬薯角

Grilled Aged U.S. Prime Rib-Eye Steak (12oz),燒得好香,我地叫左五成熟,控制得幾好唔會過熟,好有肉汁,旁邊仲放左啲松露醬吊下味同裝飾,我地切小塊黎食,兩個人食到好飽 ,真係好高質 ,最後都食哂!

Fries w Truffle Mayo有得揀薯角同幼薯條不過味道就普通只係口痕想試下

最後甜品Mini Dessert Platter有5款,每款都好精緻。整體不算太甜,而且帶點酸,好消滯。大滿足!


標籤: 食好西  銅鑼灣  浪漫    

留言


請按此登錄後留言。未成為會員? 立即註冊
    快捷鍵:←
    快捷鍵:→