【Halloween又嚟喇】香港 2016 萬聖節 必玩驚嚇活動


萬聖節 雖然係10月嘅節目,但一踏入9月份,Halloween一連串活動就會殺到埋身!今年除咗有海洋公園嘅「哈囉喂全日祭」同迪士尼嘅「Disney Halloween Time」之餘,亦有不少地方舉行相關活動,又係時候約埋另一半或者一大班Friend一齊去嚇餐飽!等MoneyHero.com.hk為大家介紹番、嚇一餐!


海洋公園:哈囉喂全日祭2016

每年「海洋公園哈囉喂全日祭」都吸引唔少Fans捧場,今年繼續挑戰大家膽量!今年將有8大哈囉喂景點及10種體驗,包括新推出嘅「16禁」限制級鬼屋、2條全新嘅猛鬼巷,仲有唔同主題嘅鬼屋。

最令人期待嘅,就梗係全場最驚嚇嘅重量級鬼屋「16禁」,入面有多間恐怖密室刑房進行血腥凌虐場景,咁恐怖嘅場面,就只限16歲或以上能接受極度驚嚇人士參與,進場前須出示身分證。想挑戰膽量極限嘅朋友,絕對唔可以錯過!

另一個甚有睇頭嘅鬼屋,就係爆笑捉鬼電影系列嘅「捉鬼敢死隊Live!」,一幕幕經典場景將重現眼前,鬧鬼大宅、凶靈地下鐵、紐約時代廣場等,真係少啲膽量都唔得掂!除咗鬼屋,同場亦設有「捉鬼敢死隊學堂」,大家可參觀敢死隊嘅秘密基地消防局,仲可以同經典角色為食鬼見面。想玩埋一份,你亦可以化身成為捉鬼敢死隊,到捉鬼槍練靶場,試試你嘅捉鬼槍法!

中學嘅校園生活總是令人憧憬,但有無諗過一旦校園化成鬼屋會點?「屍立中學」係一間陰森恐怖嘅荒廢校園,間學校嘅前身都係亂葬崗,帶大家遊園墓地及恐怖廁所,加上鬼屋內設有秘密暗室,驚嚇程度大大升級。心血少啲嘅朋友仔,可以去以豪宅瘋狂派對為主題嘅「心慌血色吧」鬼屋,將會有唐禹哲化身成為殭屍王,以3D投射影像現身,見偶像之餘仲可以感受哈囉喂氣氛。

日期:2016年10月2日、7日至10日、14日至16日、20日至23日、27日至31日

開放時間:上午10:00至晚上11:00

門票:成人$385;小童$193

優越門票:成人$690;小童$345(可進入「16禁」、「屍立中學」、「心慌血色吧」和「血祭宮殿」的秘密暗室)

想了解更多詳情,可即按此



迪士尼:Disney Halloween Time反轉迪士尼


「Disney Halloween Time:反轉迪士尼」於9月15日至10月31日舉行,一連47日嘅萬聖節派對,與化身成為「萬聖之王」及「萬聖之后」嘅米奇同米妮玩餐飽!

平時去迪士尼睇巡遊就睇得多,用萬聖節為題嘅巡遊你又睇過未呢?除咗有「米奇Halloween大街騷」之外,仲有由《白雪公主》的邪惡皇后同埋《阿拉丁》巫師領軍嘅「迪士尼惡人大出巡」,睇到無得眨眼!

萬聖節要玩番夠本,就當然要挑戰膽量,鬼屋你又點可以錯過!鬼屋今次名為「詭夢實驗室」,由怪異嘅教授引領賓客進入詭異夢境,大家將會遇上經典迪士尼故事嘅惡人,迪士尼粉絲有福喇!除咗鬼屋之外,幻想世界「夢想花園」將會變成「迪士尼惡人花園」,一班迪士尼惡人等住你去捕獲,賓客需要鼓起勇氣先可以同佢哋影到張惡形惡相的合照。《101斑點狗》的女魔頭庫伊拉、《愛麗絲夢遊仙境》中暴躁的紅心皇后、《小飛俠》中奸狡的虎克船長、《怪誕城之夜》的Jack和Sally,仲有《三隻小豬》嘅大壞狼。想繼續挑戰膽量?咁唔可錯過花園內嘅「迪士尼鬼馬Trick-or-Treat」,睇下你得到嘅係「驚嚇」抑或「驚喜」!

日期:2016年9月15日至10月31日

開放時間:一般日子上午10:30至晚上8:00 / 特別日子10月21日及22日、28日至31日上午10:30至晚上11:00

門票:雙重節日「玩轉迪士尼」優惠:成人$599;小童$428(憑票可於2016年9月15日至12月15日到訪樂園2次,2016年10月28日至29日除外)

想了解更多詳情,可即按此

樂富廣場:「屍囚之路」


全港唯一大型免費萬聖節活動「屍囚之路」即將在領展樂富廣場登場!領展自2011年起,設立免費主題式鬼屋,備受一眾「嘩鬼迷」熱捧支持!今個萬聖節,大家將可以投入喪屍世界,通過監獄並記下隱藏密碼,逃出生天。

立體浮空喪屍隨時攞命!獄卒喪屍將於監獄門口靜候參加者來臨辦理入獄手續,穿上特製囚衣拍下犯人照,同時挑選最終成屍方式,穿越不同陰森恐佈的囚室,與一眾垂死犯人同囚。配合3D立體浮空投影技術,鬼魂及喪屍將隨時在空氣中突襲浮現,加強驚嚇及刺激效果。途經「驚魂照屍鏡」會發現鏡中的自己變身喪屍,一起走上不歸路。

除咗鬼屋之外,今次仲設有「喪」玩嘉年華活動,成功逃離喪屍監獄嘅你,可到嘉年華盡情狂歡,場內設有多個鬼怪攤位遊戲,和同伴共度好玩萬聖節!

日期:2016年9月16日至10月31日(逢星期五至日、公眾假期及萬聖節當日,10月7日除外)

開放時間:下午4:00至晚上10:00

地點:樂富廣場B區露天平台

門票:免費入場(於指定領展商場或街市一星期內累積消費滿$400或以上,並出示該消費商場內商戶發出之機印發票正本(同一商場及街市2張至4張由不同商戶發出的機印發票正本,其中最少一張必須為電子消費發票,每張發票金額須為$100或以上),即可換領「喪玩快證套票」一套。套票包括:「屍囚之路特快門票」2張及「喪玩嘉年華遊戲劵」2張。)

想了解更多詳情,可即按此

原文轉自MoneyHero.com.hk

留言


請按此登錄後留言。未成為會員? 立即註冊
    快捷鍵:←
    快捷鍵:→