HKUE伏唔伏?真係睇唔過眼,咪人講你就信啦!HKUE畢業生分享,上連登聽外人講不如聽下我講自己嘅經驗啦~

我的專屬博客 於 23/11/2017 發表 收藏文章
我係第二屆文憑試學生,剛剛畢業又會同大家一樣特登上網搜尋資料聽下大家意見。當我搜尋HKUE就見到“HKUE伏”彈出來,再睇有關文章又話“HKUE信唔過,淨係聽個名都知好伏”,全部都係無根無據既批評同辱罵。其實諗深一層,周圍既人都可能係打手,你話讚HKUE嘅係打手,但係踩HKUE嘅都有可能係收咗人地錢過來搞事,唔通人講你就真係信咩?所以當我全面了解左HKUE既教學模式同資歷認證,再衡量自己選擇出面讀副學士好定係讀HKUE 攞個學士學位好,我點都揀學士學位啦!到最後HKUE畢完業後,我都無後悔當初揀左HKUE。

我用咗3年半讀曬全部課程,仲有獎學金攞添~等我來講下HKUE有咩好同唔好啦!雖然HKUE校園大小比起其他院校來講係細D,但課室、電腦、自修室同圖書館都應有盡有。唔好以爲學校細就乜都求求其其,每堂講課同個別指導都要拍卡點名,如果有一科唔夠出席率就會唔合格,管得咁嚴謹真係想走堂返兼職都難。雖然好多人話HKUE好易入,好伏,但其實中途汰弱留強,好多能力比較差嘅同學都要重讀或者中途退學,真正升上學士課程都付出咗好大嘅努力,所以你唔好以爲交咗學費就等於有學位。
 
讀書除咗講學校資源同管理,另一樣就係個講師好唔好。就算畢咗業後,每次經過太子分校都想上去探下班講師。HKUE教學模式同普通香港院校有所不同,由於HKUE遵從返澳州嘅教育模式,師生之間有比較多嘅互動同討論,每一次上堂除咗教科書嘅知識,得著更多嘅係同大家 ”brainstorm” 出來嘅重點。課後仲會有諮詢時間,亦都係我地同講師們有更多討論嘅時間,小至專題功課,大至升學、就業同人生經歷,大家都無所不談。可能大家覺得嘅“伏”就係呢種咁互動式嘅教學模式,令人覺得同普通香港院校唔同。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→