鬧市中休閒小巷的咖啡室 - Veygo Coffee (灣仔) 精選 推薦

難得放假可以瞓到自然醒，偷懶遲一點起床，睡到差不多12點多，忽覺有點肚餓，還是落街食個Bunch…上網搜尋一番，發現灣仔汕頭街有一間提供All Day Breakfast嘅餐廳，決定去試一下……
汕頭街，以前是一條小小的橫街，充斥著五金和印刷舖頭，想不到現在已慢慢演變成一條小店雲集的美食街，滲著淡淡的外國休閒味。餐廳以歐式咖啡室裝飾為主，雖然坐位有點擠迫，但給人一種在家的感覺。




食物種類不似一般餐廳那麼多，但亦不缺選擇，除咗All Day Breakfast外，亦有提供多款漢堡及side dish, 另外每天還有三款Pasta供應……當然少不了各式各樣的咖啡選擇，其中一些選擇更是外面少見的……

我和朋友點了一個Classic Burger，一個Chef Special Pasta–白酒忌廉汁蘑菇鮮蜆意粉，跟餐配上忌廉南瓜湯。忌廉南瓜湯以新鮮南瓜打成，味道鮮美creamy；Classic Burger 用料新鮮，自家製嘅漢堡扒足有寸厚，肉汁豐盛，配上特製醬汁，不能說非常美味，但亦算是水準之作；而個人覺得白酒忌廉汁蘑菇鮮蜆意粉會是較為令我有驚喜的，意粉軟硬適中有咬口，接近al dente口感，而配料用上新鮮蜆,蘑菇跟少許洋蔥碎一同炒香，滲透出淡淡嘅海水味，不似一般餐廳只用雪藏蜆肉罐頭蘑菇胡混了事，有heart！配上白酒忌廉汁，creamy得嚟不太膩，更帶出蜆嘅鮮味，值得推介！
另外咖啡方面也是誠意之作，我們分別點了薑味焦糖咖啡及Mocha咖啡，咖啡師會在每杯咖啡泡泡上隨機拉花畫圖，雖談不上很美，但在沒有預期的情況下，勝在夠窩心！而特別要提的是薑味焦糖咖啡，咖啡本身味道偏酸，加上薑及焦糖嘅香味，出奇地配襯，醒神！

總括而言，全單只是兩百元左右的消費而有這樣的水準，真的算是不俗，加上本人一向支持小店經營……小店有他們獨有嘅滋味及人情味，用“心”烹調保持著菜式嘅“味道”， 不是一般大集團模式，千篇一律嘅調味做法可相提並論。所以如果大家有試過一些美味的小店，請記得多些和朋友分享，讓小店在現時嚴峻嘅經營環境下，繼續有佢嘅生存空間。
原文連結: 鬧市中休閒小巷的咖啡室
更多資訊，盡在: 古家私房菜
Facebook: https://www.facebook.com/myplayground2015