分因 精選

在酒吧的桌上，放了一台蠟燭，兩個人在對坐。近望蠟燭，散出一縷縷的煙，跟口中吐出的香煙相映成趣。對坐的二人既是中學同學，亦是一個準新郎，一個準伴郎，在一個月前還是準新郎和伴郎。

「其實係唔係玩下咋?咁都可以分開」家捷知道這是一個尷尬的提問，他發問後亦把手中拿著的啤酒大口的喝下，讓阿鋒有充足時間回答。

阿鋒一早便知道今次兩個人見面，就是為了解釋這件事情，所以亦有所準備的回答:
「其實有無咩特別原因，了解左咪分開下」

當然這一個答案不能滿足這位十多年的兄弟，同樣又是自己伴郎的人。阿鋒繼續補充:

「咁你知道啦，個時仲有一個月就結婚，我咪跑下步，減下個身，到時可以好睇呀嘛。咁我個日跑完，返屋企沖涼，咁個次係我個日第二次沖涼，咁好正常姐，夏天熱沖多次涼。點知阿紫佢隔住度門，係出面責罵我，話我好曬水。咁我聽完緊係嬲啦，我跑步都係為你，被你話番轉頭。」

「就係咁?」家捷面上露出愕然的表情，很難相信聽到的是一對新人在結婚一個月前分手的原因。
「唔止既，我個刻無發到脾氣，我一直係到諗，我嬲咩，我真係答唔到自己，我坐左係個廁板上面諗，一諗就兩個鐘，當我一出去個時，阿紫無問我做咩咁耐，佢繼續話我，我無理佢，著番好衫褲就行左出去，個日都無返去。」

「之後呢?」對於這個故事家捷仍然難以致信，可以做的只有繼續追問。

「之後?咪通知親朋戚友取消婚宴，酒店無左訂金呀，無辦法啦，咁遲通知。」

「阿紫佢…」

「阿紫佢無咩特別，好似一早知道曬咁，佢好快就搬走左啦，咩都無講走左啦。可能佢一早預左個情況會係咁啦，我都覺得奇怪，不過可能咁早好D掛。」
「你唔覺得你地咁樣分開好兒戲咩?」家捷知道，這應該是這個話題的最後一條追問，因為追問一個事實，基本上無補於事。

「你唔覺得如果唔岩都要結婚係好兒戲咩?」阿鋒反問了這一句，令家捷也無言，這個話題，這次約會，這個晚上，亦這樣結束。

家捷百思不得其解，他好友對婚姻和愛情的觀點，可能對於有些人而言，婚姻和愛情的確存在不同的定義。愛情是有期限，婚姻亦需要包容，愛可以成就包容，但卻是有期限。