[香港美食] 「蘇風味」蘇Quali 時間 @ 金紫荊粵菜廳 (灣仔)

或許是地點問題，加上附近正進行鐵路工程，位於灣仔會展既 金紫荊粵菜廳 就有如滄海遺珠，常被人遺忘，不過懂吃的老饗又怎會錯過哩! 最近，此中菜廳推出「蘇風味」晚市套餐，一次過將蘇師傅的拿手名菜呈獻，亦減卻了大家左挑右選之煩惱，這晚，就與幾位食友前來尋味

晚市套餐每位$488(兩位起)共九道菜，當中大部份都是巧手之作，就如賣相精緻既頭盤三食，梅子涼瓜 是這裡名物，酸中透甘，非常醒胃，黑松露腐皮卷 有驚喜，幽香處處，最後是蜜甜的 蜜汁叉燒，選用脢頭部位製作，唯一缺點，就是只得一塊吧
家鄉魚茸羹 製作繁瑣，於坊間越來越難找到有質素的，蘇師傅以鰂魚熬湯，並不計成本以沙巴龍躉肉入饌，再輔以欖仁、木耳絲和薑絲等，用料豐富，味道層次滿分!


套餐其中一個亮點，必數 銀絲脆焗蟹蓋，脹卜卜的蟹蓋，香脆無比，入面更是精華所在，鮮拆蟹肉混合蘑菇片、鮮奶和洋蔥絲等，鮮甜又芳香，加上份量頗多的，想不到來到第三道菜已經將大家的肚子填得半飽


馬不停蹄，好快就來到第四道的 黑松露煎帶子皇，用上名貴北海道元貝，大大粒又厚肉，只需輕煎，再加上黑松露和特調醬汁，將元貝的鮮香盡情帶出，令人回味無窮


比利挺喜歡這味 梅醬青檸焗肉排，以梅醬醃製的肉排，煙煙韌韌，香口撲鼻

套餐內另一心機之作，亦是大家期待已久的 蝦籽扣柚皮，用上泰國柚，入口鬆軟化開，再加上炒開的蝦籽，非常滿意，單這一道已覺值回票價


先來一小碟 欖油杞子炒時蔬 清清味蕾，非常爽甜

單尾 蛋白菜粒炒飯，飯粒分明，屬清淡的一道


甜品時間，有 開心煎堆仔拼桂圓紅棗茶，前者脆卜卜，後者滋潤甜美

如此豐富的晚市套餐，每位$488(兩位起)，價格實在可以用抵吃來形容，加上用餐環境舒暢，值得推薦給愛吃的你呀!

地址: 灣仔博覽道1號香港會議展覽中心博覽商場
電話: 2582 7728

食物: 8/10
環境: 8/10
服務: 8/10
價錢: 8/10

推介指數: 80/100