曾經有人講過: 咁容易俾你班蛋散估到，我就唔係老细啦！下屬回應: 真係估你唔到呀！老细好嘢！老细好好嘢！！
嗱，呢啲咪係老细嘅睿智降服下屬嘅經典囉。
睿智 [ruì zhì] 根據百度百科嘅簡體解釋呢就係:
汉语形容词，出自《孔子家语·三恕》：“聪明睿智，守之以愚。”。亦作"睿知"。意为聪慧;明智。聪明。多用于形容一个人极富智慧。其中“睿”字亦作为古时臣下对君王、后妃等所用的敬词。
留意最後嗰句，睿智是由下而上嘅绝對敬詞。即係服到五體投地嗰隻。喺現實生活，老细嘅睿智不斷折服我哋，將我哋由丞相打折成為太監，由公主打折成宫女。等我哋喺呢度回顧呢段青葱歲月。
歲月一 : 我唔知點解會有咁嘅感覺………
跟住就梗係好斯文咁起勢揾位插你啦。喂？老细，你對得我耐，對我日久生情有感覺關我蛋治咩！而且感情呢家嘢係唔可以控制同唔可以勉強㗎。你都唔知點解，我又點會知呢？既然唔知點解即係無理由啦，咁你就無理由插我啦。唔好玩我啦，老细。
歲月二: 我請你返嚟係幫我解決問題，唔係俾問題我㗎…..呢句嘢係所有老细嘅绝活。呢招一出，即係叫你收聲。呢句嘢好可能係你同你老細其中一個最大嘅誤會。你哋嘅誤會來自對一種事物好唔同嘅價值觀。嗰種事物其實就係你本人。佢其實係對你好有期望，甚至投入咗佢全部嘅情感，以為雞碎咁多嘅人工可以請到特朗普幫佢解決晒呢個世界嘅問題。你作為特朗普嘅化身，竟然連公司嘅小問題都要問返佢。車輪咁大嘅期望落差令佢唔知點面對。大佬呀！連特朗普都搞唔掂嘅嘢你推返俾佢搞，你唔係跣佢就係寸佢。佢仲唔收你聲。而你，不但承受唔到呢份錯愛，仲錯誤估計你老细嘅能力。就係呢種程度嘅價值觀差異，挑起咗勞資雙方嘅矛盾。不滅不绝。妙就妙在呢個矛盾是鋼矛對纸盾，無得頂。
歲月三: 我諗你係時候諗吓自己喺公司嘅定位嘞.......
呢招殺傷力覆蓋面既遠且深，唔係插兩下爽下威下咁簡單，可以搞出人命。喂！老细！你請我嗰陣係有title㗎，雖然工作內容係老雜。咁，你請我嗰陣唔係定好咗我係公司個位先請我嘅咩？依家你咁問我，係咪你覺得自己定錯咗個位俾我依家想揾人幫你執手尾呢？明明係你自己犯錯，你就走過嚟叫我諗，點諗啫？如果我有資格定自己個位就我坐咗你個位啦老细。
面對上述三招，你可以視乎自己同對手嘅功力差距擬定應戰計畫。武術搏擊講求基本、應變。基本就係套路呀，招式呀，力量呀，速度呀嗰啲嘢。作戰計劃嚴格嚟講都屬於基本。因為計劃就係對預設場景作出應對，累積經驗可增長預設的應對方案，令基本更紥實，減少應變風險。應變係成敗嘅關鍵，亦該所有對決嘅上乘。如果可以喺作戰計劃以外嘅情景即時作出適當嘅應對，呢啲就係應變，亦都係上乘嘅天份。唔明？講嚟講去咪即係打機跟form打就係基本，新game新模式一次爆機就係應變囉。
同老细搏擊要觀察佢嘅心態狀況同埋決心水平。可以概括分為強、中、弱三個水平。紥好個馬，擋！對手水平弱，咁你出招就要快; 所謂天下武功，唯快不破。你要埋佢身，出短打連環，以柔制剛，唔好俾機會佢喘息。俾佢知道佢誤會咗你嘅同時將佢平日覺得欠咗你嘅吐返唒出嚟，以柔勁迫入佢體內。佢一不留神就轉守為功。令佢心態由隊你變為唔想俾你入返佢。最後，見好就收以平手和氣作结。千祈唔好得勢不撓反而激起佢無悔三震，一出！就返唔到轉頭。
對付中等級嘅對手，可以話係戰果最難預測嘅對戰。係對你嘅應變能力最大考驗嘅對手。任何時候都要高度戒備，就算節節連勝，一個失誤就會俾你老细KO. 小心接招！用觀避卸退拖擋虚試躲力進。因應情況交替切換變化且戰且走，亦進亦退，戒急用忍。記住，基於階级優勢嘅先天高低，只有你老细將你KO, 你係無可能KO佢。出招一擊重手，只會激起佢终極發難，雷霆绝殺，前功盡費。所以只可以點數輕勝。一字記之若: 磨。佢進你就退，佢功你就守，佢休息你就埋佢身撩佢。磨到佢洩，磨到佢謝晒，唔記得話你乜嘢，咁就當贏咗㗎啦。
同最強老细對戰，基本上赢面極之渺茫。要有先敗而後生嘅準備。捱打係最低消費，但唔担保有回報。現實係残酷嘅，佢要將你折磨到無得返身，直致你放棄你自己為止。你老细就係現實嘅化身，佢嘅任務係將你打入十八層地獄。點樣對抗佢喇？有人講過一句說話: ”It ain’t how hard you can hit; it’s about how hard you can get hit”。捱打係好高藝術成份嘅搏擊技術。如果好似一條死魚又或者一隻死狗咁，對強嘅高手嚟講，打你即係侮辱佢自己。用其他講法就係佢都唔得閒打你。要佢有打你，甚至有打低你嘅慾望，你越還手，佢越興奮。捱打呢種搏擊藝術有另一個名叫: 搏打。首先要同對手保持適合嘅距離，即係佢出手係可以打到你，但你要避又避得到既。就喺呢個範圍入面，你所做每個動作都唔可以過激，太over。閃擋進卸都要好似擦邊波咁，中！但唔應。有時要應多啲，令對手保持興奮。有時要還吓手，令對手有打瓜你嘅慾火。就係咁捱吓打吓到完場到無fired KO你。輸點數，無KO就當你赢。
最後，送你一句近代武術大師嘅武術哲學: “BE WATER”; 中譯可以係: 上善若水。 係打工仔嘅智慧，自己好好領展 – 領匯延展啦。
嗱，呢啲咪係老细嘅睿智降服下屬嘅經典囉。
睿智 [ruì zhì] 根據百度百科嘅簡體解釋呢就係:
汉语形容词，出自《孔子家语·三恕》：“聪明睿智，守之以愚。”。亦作"睿知"。意为聪慧;明智。聪明。多用于形容一个人极富智慧。其中“睿”字亦作为古时臣下对君王、后妃等所用的敬词。
留意最後嗰句，睿智是由下而上嘅绝對敬詞。即係服到五體投地嗰隻。喺現實生活，老细嘅睿智不斷折服我哋，將我哋由丞相打折成為太監，由公主打折成宫女。等我哋喺呢度回顧呢段青葱歲月。
歲月一 : 我唔知點解會有咁嘅感覺………
跟住就梗係好斯文咁起勢揾位插你啦。喂？老细，你對得我耐，對我日久生情有感覺關我蛋治咩！而且感情呢家嘢係唔可以控制同唔可以勉強㗎。你都唔知點解，我又點會知呢？既然唔知點解即係無理由啦，咁你就無理由插我啦。唔好玩我啦，老细。
歲月二: 我請你返嚟係幫我解決問題，唔係俾問題我㗎…..呢句嘢係所有老细嘅绝活。呢招一出，即係叫你收聲。呢句嘢好可能係你同你老細其中一個最大嘅誤會。你哋嘅誤會來自對一種事物好唔同嘅價值觀。嗰種事物其實就係你本人。佢其實係對你好有期望，甚至投入咗佢全部嘅情感，以為雞碎咁多嘅人工可以請到特朗普幫佢解決晒呢個世界嘅問題。你作為特朗普嘅化身，竟然連公司嘅小問題都要問返佢。車輪咁大嘅期望落差令佢唔知點面對。大佬呀！連特朗普都搞唔掂嘅嘢你推返俾佢搞，你唔係跣佢就係寸佢。佢仲唔收你聲。而你，不但承受唔到呢份錯愛，仲錯誤估計你老细嘅能力。就係呢種程度嘅價值觀差異，挑起咗勞資雙方嘅矛盾。不滅不绝。妙就妙在呢個矛盾是鋼矛對纸盾，無得頂。
歲月三: 我諗你係時候諗吓自己喺公司嘅定位嘞.......
呢招殺傷力覆蓋面既遠且深，唔係插兩下爽下威下咁簡單，可以搞出人命。喂！老细！你請我嗰陣係有title㗎，雖然工作內容係老雜。咁，你請我嗰陣唔係定好咗我係公司個位先請我嘅咩？依家你咁問我，係咪你覺得自己定錯咗個位俾我依家想揾人幫你執手尾呢？明明係你自己犯錯，你就走過嚟叫我諗，點諗啫？如果我有資格定自己個位就我坐咗你個位啦老细。
面對上述三招，你可以視乎自己同對手嘅功力差距擬定應戰計畫。武術搏擊講求基本、應變。基本就係套路呀，招式呀，力量呀，速度呀嗰啲嘢。作戰計劃嚴格嚟講都屬於基本。因為計劃就係對預設場景作出應對，累積經驗可增長預設的應對方案，令基本更紥實，減少應變風險。應變係成敗嘅關鍵，亦該所有對決嘅上乘。如果可以喺作戰計劃以外嘅情景即時作出適當嘅應對，呢啲就係應變，亦都係上乘嘅天份。唔明？講嚟講去咪即係打機跟form打就係基本，新game新模式一次爆機就係應變囉。
同老细搏擊要觀察佢嘅心態狀況同埋決心水平。可以概括分為強、中、弱三個水平。紥好個馬，擋！對手水平弱，咁你出招就要快; 所謂天下武功，唯快不破。你要埋佢身，出短打連環，以柔制剛，唔好俾機會佢喘息。俾佢知道佢誤會咗你嘅同時將佢平日覺得欠咗你嘅吐返唒出嚟，以柔勁迫入佢體內。佢一不留神就轉守為功。令佢心態由隊你變為唔想俾你入返佢。最後，見好就收以平手和氣作结。千祈唔好得勢不撓反而激起佢無悔三震，一出！就返唔到轉頭。
對付中等級嘅對手，可以話係戰果最難預測嘅對戰。係對你嘅應變能力最大考驗嘅對手。任何時候都要高度戒備，就算節節連勝，一個失誤就會俾你老细KO. 小心接招！用觀避卸退拖擋虚試躲力進。因應情況交替切換變化且戰且走，亦進亦退，戒急用忍。記住，基於階级優勢嘅先天高低，只有你老细將你KO, 你係無可能KO佢。出招一擊重手，只會激起佢终極發難，雷霆绝殺，前功盡費。所以只可以點數輕勝。一字記之若: 磨。佢進你就退，佢功你就守，佢休息你就埋佢身撩佢。磨到佢洩，磨到佢謝晒，唔記得話你乜嘢，咁就當贏咗㗎啦。
同最強老细對戰，基本上赢面極之渺茫。要有先敗而後生嘅準備。捱打係最低消費，但唔担保有回報。現實係残酷嘅，佢要將你折磨到無得返身，直致你放棄你自己為止。你老细就係現實嘅化身，佢嘅任務係將你打入十八層地獄。點樣對抗佢喇？有人講過一句說話: ”It ain’t how hard you can hit; it’s about how hard you can get hit”。捱打係好高藝術成份嘅搏擊技術。如果好似一條死魚又或者一隻死狗咁，對強嘅高手嚟講，打你即係侮辱佢自己。用其他講法就係佢都唔得閒打你。要佢有打你，甚至有打低你嘅慾望，你越還手，佢越興奮。捱打呢種搏擊藝術有另一個名叫: 搏打。首先要同對手保持適合嘅距離，即係佢出手係可以打到你，但你要避又避得到既。就喺呢個範圍入面，你所做每個動作都唔可以過激，太over。閃擋進卸都要好似擦邊波咁，中！但唔應。有時要應多啲，令對手保持興奮。有時要還吓手，令對手有打瓜你嘅慾火。就係咁捱吓打吓到完場到無fired KO你。輸點數，無KO就當你赢。
最後，送你一句近代武術大師嘅武術哲學: “BE WATER”; 中譯可以係: 上善若水。 係打工仔嘅智慧，自己好好領展 – 領匯延展啦。
請按此登錄後留言。未成為會員? 立即註冊