你呃人

有乜講乜 於 19/07/2019 發表 收藏文章

曾經喺我哋呢個生活緊嘅地方,有兩個人喺2012年想爭做一哥。佢哋喺一個公開場合辯論互片,其中一個参選者手指指咁彈咗句金句出嚟挑戰佢對手嘅誠信。

「你呃人!」

呢句說話代表咗一個人嘅誠信係非常重要,足以改變所有人對佢嘅信任。當呢個人無晒信用,就無人會再相信佢,呢個亦係可以將對手拉下馬嘅殺著。但今次唔work,因為佢自己啱啱俾有心人踼爆咗佢屋企有個好大規模嘅僭建物,大到成個gym房兼娛樂室咁。佢自己嘅信用早人一步破咗產。

信用呢樣嘢係無色,無味,無形,無温度,去易來難,要儲就難過儲錢,但係洗就仲快過洗錢。所以洗錢用信用卡係快過用cash。仍然無頭緒?百度百科有說法。

根據百度百科解說有關信用呢樣嘢足足用咗超過1萬3千幾個字。本來以為信用呢兩個字本身已經清楚表達咗佢嘅意思,原來佢嘅學問真係要用心體會。經過艱辛理解重組呢1萬3千幾字,原來可以用不同嘅角度去睇信用呢兩個字。

倫理道德角度:
從倫理角度理解“信用”,它實際上是指“信守諾言”的一種道德品質。信用主要是指參與社會和經濟活動的當事人之間所建立起來的、以誠實守信為道德基礎的“踐約”行為。

法律角度:
從法律的角度理解“信用”,它實際上有兩層含義,一是指當事人之間的一種關係,但凡“契約”規定的雙方的權利和義務不是當時交割的,存在時滯,就存在信用;第二層含義是指雙方當事人按照“契約”規定享有的權利和肩負的義務。《民法通則》中規定“民事活動應當遵守自願、公平、等價有償、誠實守信的原則”;《合同法》中要求“當事人對他人誠實不欺,講求信用、恪守諾言,並且在合同的內容、意義及適用等方面產生糾紛時要依據誠實信用原則來解釋合同”。
經濟學角度:
從經濟的角度理解“信用”,它實際上是指“借”和“貸”的關係。信用實際上是指“在一段限定的時間內獲得一筆錢的預期”。信用是指在商品交換或者其他經濟活動中授信人在充分信任受信人能夠實現其承諾的基礎上,用契約關係向受信人放貸,並保障自己的本金能夠回流和增值的價值運動。

貨幣角度 :
在信用創造學派的眼中,信用就是貨幣,貨幣就是信用;信用創造貨幣;信用形成資本。

百度又提到信用的意思是能夠履行諾言而取得的信任,信用是長時間積累的信任和誠信度。信用是難得易失的。費十年功夫積累的信用,往往由於一時一事的言行而失掉。它還是指我們過去的履行承諾的正面記錄,它還是一種行為藝術,是一種人人可以嘗試與自我管理的行為管理模式。

人類歷史發展到今天,“信用”這個詞已經包含著極其豐富的內涵。它可能是人類認識中最為複雜、最難以捉摸的概念之一,有些事物僅僅存在於人們的頭腦中,在所有的這些事物中,沒有哪一件比信用更加古怪,更加微妙;信用從來不是強迫的,而是自覺自願的,依賴於期望與擔心這樣的一些感情;信用常常不用爭取而自行出現,又總是無緣無故地消失;而且信用一旦喪失,就很難完全恢復……

夠嘞夠嘞,再搞落去本來明都變唔明。簡單嚟講

信用係信守諾言; 呢個知吖。

信用係契約雙方的權利和義務不是當時交割,存在時滯,就存在信用;立纸為信,呢個都明。

信用係“借”和“貸”的關係; 抽象得嚟幾具體,還得到先好借,即係講個信字,都明。

信用係貨幣,由此形成資本; 對貨幣發行機構同國家嘅信任,好經濟學,不過都明。

信用係人類最複雜、最難以捉摸的概念之一; 同感情一樣,佢值唔值得相信呢?都係難以量度,所以難以捉摸。

信用係自覺自願的,依賴於期望與擔心這樣的一些感情;猜下猜下,寒天飲雪水,冷暖自知。你信佢唔代表我信佢。

信用係一種行為藝術,是一種人人可以嘗試與自我管理的行為管理模式…… 咁就真係估佢唔到原來是行為藝術。行為藝術必須包含以下4項基本元素:時間,地點,藝術者的行為,以及與觀眾的交流。我哋試下咁睇,你嘅行為(藝術者的行為)喺平時無日無之(時間)不同場合(地點)表現出嚟,獲得其他人嘅信任(與觀眾的交流),就建立咗你自己嘅信用。4項元素都齊晒又真係行為藝術喎。可能呢啲咪叫做人生如戲囉。

點呀!係咪都好難捉摸呢?唔緊要,偉大嘅強國關心你哋唔知點樣理解信用,佢特登整咗套嘢教你哋乜嘢係信用,信用喺社會點應用,又將信用量化埋,仲教埋你信用用得好就可以好似信用卡咁點樣用信用換分攞著數tim。化虚為實,高!

喺有啲地方已經試行緊呢個社會信用體系,幾好呀,人人都有個評分,評分可加可減,高分賞低分罸,無晒隔膜,無晒偏見。唔單只攞個心出嚟做朋友,直投攞埋個分出嚟交朋友。

以前,想「了解」一個人幾迂迴呀。你做咩嘢㗎?你屋企有啲咩嘢人呀?平時自己鍾意做乜?平時同啲朋友做乜呀?你以前係點㗎?自己住定同屋企人住呀?住得遠唔遠?你講真㗎?

依家唔同晒,

你會唔會呃我㗎?
你信我啦,我千六分,我都無試過低過千五分……

依家唔緊要,最緊要有上進心……
我上個禮拜689分,依家已經係777分。 只要我努力啲,唔使幾耐我就可以係1000分,離1600分上樓目標好快就到。

你依家就話知錯,我點知你以後會唔會再犯呀?
我真係知錯嘞,我扣咗成100分,都買唔到機票同你旅行,我會好快追返200分咁你就放心啦。

你諗吓,公司請人、揀男女朋友、揾新抱女婿、借錢幫人、問人意見、商業買賣、呢啲以前抓爆頭都唔知有無信錯人嘅決定,又怕揀錯又怕搏錯,依家一分在手,難逃法眼,幾好呀。

第時有人問起你,你再唔使驚噏自己個名都無人知你係乜水嘞。你可好proud咁話俾人聽 : 我係A級千九幾分。呢個身份無得輸。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→